കശുവണ്ടിക്ക് കഷ്ടകാലം

കൊല്ലം: ട്രംപിന്റെ പ്രതികാരച്ചുങ്കം കേരളത്തിലെ കശുവണ്ടി വ്യവസായത്തിനും തിരിച്ചടി. ‘പ്രത്യക്ഷത്തിലുള്ളതിനേക്കാൾ ഇരട്ടിയാണ്​ കശുവണ്ടി വ്യവസായത്തിനുണ്ടാകുന്ന പരോക്ഷമായ തിരിച്ചടി’യെന്ന സിഇപിസിഐ വൈസ്​ ചെയർമാൻ ആർ കെ ഭൂതേഷ് പറഞ്ഞു. ഇന്ത്യയിൽനിന്നും വിവിധ രാജ്യങ്ങളിലേക്ക്​ കയറ്റുമതിചെയ്യുന്ന കശുവണ്ടിപ്പരിപ്പിന്റെ മൂന്നുശതമാനമാണ്​ നിലവിൽ അമേരിക്കൻ വിപണിയിൽ എത്തുന്നത്​. വിയറ്റ്​നാമിന്റെ കശുവണ്ടിപ്പരിപ്പാണ്​ അമേരിക്കൻ മാർക്കറ്റുകളിൽ കൂടുതലും.

എന്നാൽ, വിയത്‌നാം ഉൽപ്പന്നങ്ങളുടെ ഇറക്കുമതിക്കും തീരുവ അമേരിക്ക ഇരുപതു​ ശതമാനമായി വർധിപ്പിച്ചിട്ടുണ്ട്​. ഇതുമൂലം വിയറ്റ്​നാം ഇന്ത്യയിലെയും ഗൾഫ്​ രാഷ്​ട്രങ്ങളിലെയും മാർക്കറ്റുകളെ കൂടുതൽ ആശ്രയിക്കും. ഇത്​ കേരളത്തിലെ ഉൾപ്പെടെ കശുവണ്ടി വ്യവസായത്തെ ബാധിക്കും. ഇന്ത്യ കശുവണ്ടിപ്പരിപ്പ്​ കൂടുതലായി കയറ്റിയയക്കുന്നത്​ ഗൾഫ്​ മാർക്കറ്റിലേക്കാണ്​. വിലക്കുറവിൽ ഇതെത്തിയാൽ ഇന്ത്യയിലെ കശുവണ്ടി വ്യവസായത്തെ ബാധിക്കും. യന്ത്രവൽക്കരണമുള്ള രാജ്യങ്ങളിൽ കശുവണ്ടിപ്പരിപ്പ് ഉൽപ്പാദനത്തിന്​ ചെലവു​കുറവാണ്​. എന്നാൽ, തൊഴിലാളികൾ കൈകൊണ്ട്‌ തല്ലിയെടുക്കുന്നതിന്റെ ഗുണമേന്മയാണ്​​ ഇന്ത്യൻ പരിപ്പിനുള്ളത്​.

​വ്യവസായത്തെ 
ബാധിക്കും

ഇറക്കുമതി തീരുവ അമേരിക്ക 50 ശതമാനമാക്കിയത്​ കശുവണ്ടി വ്യവസായത്തെ ബാധിക്കും. അമേരിക്കയിലേക്ക്​ നിലവിൽ പരിപ്പു​ കയറ്റുമതി ഇപ്പോൾ കുറവാണ്​. തീരുവ വർധിപ്പിച്ചതോടെ കശുവണ്ടിപ്പരിപ്പിന്റെ കയറ്റുമതി ഏതാണ്ട്​ പൂർണമായും ഇല്ലാതാവും. (പി സുന്ദരൻ, ചെയർമാൻ, 
സിഇപിസിഐ​)