താമരശേരി ചുരത്തിൽ ചെറുവാഹനങ്ങൾ കടത്തിവിട്ടുതുടങ്ങി; മഴ ശക്തമായാൽ പൂർണവിലക്ക്

താമരശേരി: മണ്ണിടിച്ചിലുണ്ടായ താമരശേരി ചുരത്തിൽ ​ഗതാ​ഗതം പുനരാരംഭിച്ചു. ഒറ്റ വരിയായി ചെറുവാഹനങ്ങളാണ് ഇപ്പോൾ കടത്തിവിടുന്നത്. മഴ കുറഞ്ഞതിനിലാണ് ​ഗതാ​ഗതം അനുവദിച്ചത്. ചുരത്തിലെ കല്ലും മണ്ണും പൂര്‍ണമായും നീക്കിയിട്ടുണ്ട്.

അതേസമയം ഭാരവാഹനങ്ങൾക്ക് പൂർണവിലക്കാണ്. ഭാരവാഹനങ്ങൾ കുറ്റ്യാടി, നാടുകാണി ചുരം വഴി പോകണം. മഴ ശക്തമായാൽ ​ഗതാ​ഗതം പൂർണമായും തടയും.

ശക്തമായ മഴ തുടരുന്ന സാഹചര്യത്തില്‍ അടര്‍ന്നുനില്‍ക്കുന്ന പാറകള്‍ ഇനിയും റോഡിലേക്ക് വീഴാന്‍ സാധ്യതയുള്ളതിനാല്‍ പ്രദേശത്ത് സമയ നിരീക്ഷണം ഏര്‍പ്പെടുത്തും. റോഡില്‍ രാത്രികാലത്ത് ആവശ്യത്തിന് വെളിച്ചം ലഭ്യമാക്കുന്നതിനുള്ള സംവിധാനം ഫയര്‍ ആന്‍ഡ് റെസ്‌ക്യൂ വിഭാഗവും തഹസില്‍ദാറും ഉറപ്പാക്കും.