'ടോൾ പിരിക്കേണ്ട': എൻഎച്ച്എഐയുടെ അപ്പീൽ തള്ളി സുപ്രീംകോടതി

ന്യൂഡൽഹി: പാലിയേക്കര ടോൾ പിരിവ് തടഞ്ഞതിനെതിരായ ദേശീയപാത അതോറിറ്റിയുടെ അപ്പീൽ സുപ്രീംകോടതി തള്ളി. ഹൈക്കോടതിയുടെ ഇടക്കാല ഉത്തരവിൽ ഇടപെടില്ലെന്ന് സുപ്രീം കോടതി പറഞ്ഞു. 'കുഴികളിലൂടെ സഞ്ചരിക്കാൻ പൗരന്മാർ കൂടുതൽ പണം നൽകേണ്ടതില്ല. റോഡിലെ ​ഗട്ടറുകൾ കാര്യക്ഷമതയില്ലായ്മയുടെ പ്രതീകമാണ്. അഞ്ച് കിലോമീറ്ററാണ് പ്രശ്നമെങ്കിലും മുഴുവൻ ​ഗതാ​ഗതത്തെയും ബാധിക്കുന്നു. പൗരന്മാരുടെ ദുരവസ്ഥയിൽ ആശങ്ക'യെന്നും സുപ്രീംകോടതി വ്യക്തമാക്കി. ​ഗതാ​ഗതം സു​ഗമമാക്കുന്നതിനായി ഹൈക്കോടതി നിരീക്ഷണം തുടരണമെന്നും സുപ്രീംകോടതി നിർദേശിച്ചു.