ഡിജിറ്റൽ യൂണിവേഴ്സിറ്റി ഓഫ് കേരളയിൽ സൗജന്യ തൊഴിലധിഷ്ഠിത ടെക്നോളജി കോഴ്സുകൾ

തിരുവനന്തപുരം: പട്ടികജാതി വികസന വകുപ്പിന്റെ നൈപുണ്യ വികസന പരിപാടിയുടെ ഭാഗമായി ഡിജിറ്റൽ യൂണിവേഴ്സിറ്റി ഓഫ് കേരളയുമായി ചേർന്ന് ബ്ലോക്ക് ചെയിൻ, സൈബർ സെക്യൂരിറ്റി , പിസിബി ഡിസൈൻ തുടങ്ങിയ നൂതന ഡിപ്ലോമ കോഴ്സുകളിലേക്ക് യോഗ്യരായ പട്ടിക ജാതി ഉദ്യോഗാർഥികളിൽ നിന്നും അപേക്ഷകൾ ക്ഷണിക്കുന്നു.

ഒരു വർഷക്കാലമാണ് പരിശീലന കാലാവധി. 100 % പ്ലേസ്മെൻ്റും ഇന്റേൺഷിപ്പും ഉറപ്പാക്കുന്ന ഫ റസിഡൻഷ്യൻ കോഴ്സുകളിലേക്ക് തെരഞ്ഞെടുക്കുന്ന പട്ടികജാതി വിദ്യാർഥികൾക്ക് കോഴ്സ് ഫീസും താമസവും ഭക്ഷണവും തികച്ചും സൗജന്യമാണ്. ബിരുദമാണ് പ്രോഗ്രാമുകളിലേക്ക് അപേക്ഷിക്കാനുള്ള അടിസ്ഥാന യോഗ്യത. അപേക്ഷകൾ സ്വീകരിക്കുന്ന അവസാന തീയതി ഏപ്രിൽ 16. കൂടുതൽ വിവരങ്ങൾക്കായി https://duk.ac.in/skills/ എന്ന വെബ്സൈറ്റ് സന്ദർശിക്കുക.

പിഎം അജയ് പദ്ധതിയുടെ ഭാഗമായി പട്ടിക ജാതി വികസന വകുപ്പും ഡിജിറ്റൽ യൂണിവേഴ്സിറ്റിയും സംയുക്തമായി നടത്തുന്ന പരിപാടിയാണിത്.