അപവാദ പ്രചാരണത്തിന് പിന്നിൽ ആസൂത്രിതനീക്കം; ​ഗൂഢാലോചനയുടെ കേന്ദ്രം പറവൂർ: കെ എൻ ഉണ്ണികൃഷ്ണൻ

കൊച്ചി: സോഷ്യൽമീഡിയയിൽ തനിക്കെതിരെ കോൺ​ഗ്രസ് നടത്തിയ അപവാദ പ്രചാരണത്തിന് പിന്നിൽ ആസൂത്രിത നീക്കം നടന്നെന്ന് കെ എൻ ഉണ്ണികൃഷ്ണൻ എംഎൽഎ. ​ഗൂഢാലോചന നടന്നത് പറവൂർ കേന്ദ്രീകരിച്ചാണ്. കേസിൽ കൂടുതൽ പ്രതികൾ വന്നേക്കാമെന്നും അദ്ദേഹം വാർത്താസമ്മേളനത്തിൽ പറഞ്ഞു.

സൈബർ ആക്രമണത്തിൽ കോൺ​ഗ്രസ് നേതൃത്വം മറുപടി പറയണം. തനിക്ക് പിന്തുണ നൽകിയ നിരവധി കോൺ​ഗ്രസ് നേതാക്കളുണ്ട്. മുഖ്യമന്ത്രിക്കും ഡിജിപിക്കും നൽകിയ പരാതിയിൽ അന്വേഷണം ഊർജിതമായി നടക്കുകയാണ്. അന്വേഷക സംഘത്തിന് മുന്നിൽ മൊഴി നൽകിയിരുന്നു. ചിലർക്ക് അറസ്റ്റ് വാറണ്ട് പുറപ്പെടുവിച്ചിട്ടുണ്ട്. അധിക്ഷേപകരമായ പോസ്റ്റുകൾ ഷെയർ ചെയ്തവരെ ഉൾപ്പെടെ കണ്ടെത്തുമെന്നും

കെ എൻ ഉണ്ണികൃഷ്ണൻ പറഞ്ഞു.