രാഷ്ട്രീയ അജണ്ടയാണ് ​ഗവർണർമാർ സർവകലാശാലയിൽ നടപ്പിലാക്കുന്നത്: മന്ത്രി ആർ ബിന്ദു

തിരുവനന്തപുരം : സ്വന്തം രാഷ്ട്രീയ അജണ്ടയാണ് ​ഗവർണർമാർ സർവകലാശാലയിൽ നടപ്പിലാക്കുന്നതെന്ന് ഉന്നത വിദ്യാഭ്യാസ മന്ത്രി ആർ ബിന്ദു. സർവകലാശാലകളിൽ മുന്നേയും ​ഗവർണർമാർ ചാൻസ‍ലർമാരായിരുന്നു. അവരെല്ലാം സംസ്ഥാന സർക്കാരിന്റെ നിർദേശപ്രകാരമാണ് പ്രവർത്തിച്ചത്. ആരിഫ് മുഹമ്മദ് ഖാൻ ​ഗവർണാറായതു മുതലാണ് ഇത്തരം തർക്കങ്ങൾ ​തുടങ്ങുന്നത്. അക്കാദമിക മികവും യോ​ഗ്യതകളും അഡ്മിനിസ്ട്രേറ്റീവ് കപ്പാസിറ്റിയുമുള്ളവരാണ് വൈസ് ചാൻസിലർമാരായി നിയമിതരാകേണ്ടത്.

നമ്മുടെ സർവകലാശാലകൾ മികവാർന്ന പ്രവർത്തനങ്ങളിലൂടെ മുന്നോട്ടുപോകുകയും സാഹചര്യമാണിത്. ലോകോത്തര നിലവാരത്തിലേക്ക് നമ്മുടെ സർവകലാശാലകൾ വളരുന്ന ഘട്ടമാണ്. അപ്പോഴാണ് ആർആർഎസ്എസ് അനുഭാവമുള്ള അക്കാദമിക് മികവില്ലാത്ത വൈസ്ചൻസലർമാരെ തന്നിഷ്ടത്തോടെ ​ഗവർണർ നിയമിക്കുന്നതെന്നും മന്ത്രി മാധ്യമങ്ങളോട് പറഞ്ഞു.

സർക്കാർ വിസി നിയമനവുമായി ബന്ധപ്പെട്ട് നിയമോപദേശം തേടിയിട്ടുണ്ട്. സർക്കാരിന്റെ നിലപാട് ​ഗവർണറെ അറിയിച്ചിട്ടുണ്ടെന്നും മന്ത്രി അറിയിച്ചു.

താല്‍ക്കാലിക വിസി നിയമനത്തിനായി സര്‍ക്കാര്‍ നല്‍കിയ പാനല്‍ തള്ളി ചാന്‍സലറായ ​ഗവർണർ തള്ളിയിരുന്നു. സാങ്കേതിക യുണിവേഴ്‌സിറ്റിയിലേക്ക് താല്‍കാലിക വിസി ആയി പ്രൊഫ പ്രവീണ്‍ , ഡോ ജയപ്രകാശ് ,ആര്‍ സജീബ് എന്നിവരെയുമായിരുന്നു സര്‍ക്കാര്‍

നിര്‍ദേശിച്ചത്. ഈ പാനല്‍ തള്ളിയാണ് സിസാ തോമസിനേയും , ശിവപ്രസാദിനേയും ഗവര്‍ണര്‍ നിയമിച്ചിരിക്കുന്നത്.