ആമയിഴഞ്ചാൻ തോട്ടിൽ വയോധികൻ മരിച്ച നിലയിൽ

തിരുവനന്തപുരം : പ​ഴ​വ​ങ്ങാ​ടി സെ​ൻ​ട്ര​ൽ തീ​യ​റ്റ​റി​ന് മു​ൻ വ​ശ​ത്ത് ആ​മ​യി​ഴ​ഞ്ചാ​ൻ തോ​ട്ടി​ൽ വ​യോ​ധി​ക​നെ മ​രി​ച്ച നി​ല​യി​ൽ ക​ണ്ടെ​ത്തി. നെയ്യാറ്റിൻകര സ്വദേശി സതീഷ് (60) നെ ആണ് മരിച്ച നിലയിൽ കണ്ടെത്തിയത്. വ്യാഴാഴ്ച പകൽ ഒന്നോടെയാണ് സംഭവം. തോട്ടിൽ ക​മിഴ്ന്ന് കിടക്കുന്ന നിലയിലായിരുന്നു മൃതദേഹം. ഇയാൾ മദ്യലഹരിയിൽ തോട്ടിൽ വീണതാകാമെന്ന നി​ഗമനത്തിലാണ് പൊലീസ്.

ഇയാളെ പകൽ പഴവങ്ങാടി പരിസരത്ത് കണ്ടതായും നാട്ടുകാർ പറയുന്നു.അ​ഗ്നിരക്ഷാസേനയുടെ നേതൃത്വത്തിൽ മൃതദേഹം പുറത്തെടുത്തു. മൃ​ത​ദേ​ഹം മെ​ഡി​ക്ക​ൽ കോ​ളേ​ജ് ആ​ശു​പ​ത്രി​ മോ​ർ​ച്ച​റിയിൽ സൂക്ഷിച്ചിരിക്കുകയാണ്. സംഭവത്തിൽ കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചതായി ഫോ​ർ​ട്ട് പൊ​ലീ​സ് അ​റി​യി​ച്ചു.സീനിയർ ഫയർ ആൻഡ് റെസ്ക്യൂ ഓഫീസർ സജികുമാറിന്റെ നേതൃത്വത്തിലാണ് മൃതദേഹം പുറത്തെടുത്ത്.