അഞ്ചുവർഷത്തിനിടെ ഗാർഹിക 
പീഡനക്കേസുകളിൽ ഇരട്ടി വർധന

കോഴിക്കോട്

നിയമങ്ങളുടെയും വേ​ഗത്തിലുള്ള നടപടികളുടെയും പിൻബലത്തിൽ അക്രമികളെ സമൂഹത്തിനുമുമ്പിൽ ചൂണ്ടിക്കാണിച്ച് അതിജീവിതകൾ. അഞ്ച് വർഷത്തിനിടെ സംസ്ഥാനത്ത് രജിസ്റ്റർ ചെയ്ത ഗാർഹിക പീഡനക്കേസുകളിൽ ഇരട്ടിയോളം വർധന. 2020ൽ 2707 കേസുകളായിരുന്നത് 2024ൽ 4515 ആയി. ഈ വർഷം ജൂൺ വരെ 2178 കേസുകൾ രജിസ്റ്റർ ചെയ്തു. 2021ൽ 4997, 2022 – 4998, 2023 – 4710 എന്നിങ്ങനെയാണ് കേസുകൾ.

അതേസമയം, സ്ത്രീകൾക്കെതിരായ അതിക്രമത്തിൽ ആറുമാസത്തിനിടെ മാത്രം 9647 കേസുകൾ സംസ്ഥാനത്ത്‌ രജിസ്റ്റർ ചെയ്തു. ഓരോ ദിവസവും ശരാശരി 53 കേസ്​. 2134 ലൈം​ഗിക പീഡനക്കേസുകളും 1491 എണ്ണം ബലാത്സംഗക്കേസുകളുമാണ്.

സ്​ത്രീകൾക്കെതിരായ അതിക്രമത്തിന്​ 2024ൽ 18,887ഉം 2023ൽ 18,980, 2022ൽ 18,943, 2021ൽ 16,199 എന്നിങ്ങനെയാണ്​ കേസെടുത്തത്​. 2020ൽ 12,659 കേസായിരുന്നു. സ്‌ത്രീധനവുമായി ബന്ധപ്പെട്ട് ആറുമാസത്തിനിടെ നാല് മരണങ്ങളും റിപ്പോർട്ട് ചെയ്തു.