കോഴിക്കോട് ഡിസിസി ഓഫീസില്‍ പ്രവര്‍ത്തകര്‍ തമ്മിൽ ഉന്തുംതള്ളും

കോഴിക്കോട്: പ്രിയങ്ക ​ഗാന്ധിയുടെ സന്ദർശനത്തിനിടെ ഡിസിസി ഓഫീസിൽ പ്രവർത്തകർ തമ്മിൽ ഉന്തുംതള്ളും. രാത്രിയോടെയാണ് സംഘർഷമുണ്ടായത്. ചില പ്രവർത്തകരെ കോൺ​ഗസ് ഓഫീസിനകത്തേക്ക് പ്രവേശിക്കുന്നതിൽ നിന്നും തടഞ്ഞതാണ് പ്രശ്നങ്ങൾക്കിടയാക്കിയത്. ഇതിനിടെ ദൃശ്യങ്ങൾ പകർത്തുകയായിരുന്ന മാധ്യമ പ്രവർത്തകരേയും കയ്യേറ്റം ചെയ്യാൻ ശ്രമമുണ്ടായി.

തർക്കം രൂക്ഷമായതോടെ പ്രിയങ്ക ​ഗാന്ധി ഓഫീസിലേക്ക് കടക്കാതെ കാറിലേക്ക് തന്നെ മടങ്ങി. പിന്നീട് നേതാക്കളിടപെട്ട് പ്രവർത്തകര മാറ്റിയതിന് ശേഷമാണ് പ്രിയങ്ക​ഗാന്ധി ഓഫീസിലേക്ക് കയറിയത്. ഡിസിസി ഓഫീസ് ഉദ്ഘാടനശേഷമുള്ള പ്രിയങ്ക​ഗാന്ധിയുടെ ആദ്യസന്ദർശനമാണിത്. ആഴ്ചകൾക്ക്ഡി മുൻപ് ഡിസിസി ഓഫീസ് ഉദ്​ഘാടനത്തിനും നേതാക്കൾ തള്ളിക്കയറി പ്രശ്നങ്ങളുണ്ടായിരുന്നു. ഇതേ തുടർന്ന് ചില നിയന്ത്രണങ്ങൾ കൊണ്ടുവന്നിരുന്നു.