വാട്ട്സ്ആപ്പ് ഇനി ഫ്രീയല്ല; ഒക്ടോബർ ഒന്നുമുതൽ പണമടയ്ക്കണം

ന്യൂഡൽഹി: വാട്ട്സ്ആപ്പ് ബിസിനസിന് ഒക്ടോബർ ഒന്ന് മുതൽ ഫീസ് ഈടാക്കാൻ മെറ്റ. വാട്ട്സാപ്പിന്റെ സൗജന്യ സേവനങ്ങളാണ് വ്യക്തിഗത ബിസിനസ് പ്രൊഫൈലുകൾ നിലവിൽ ഉപയോഗിച്ച് വരുന്നത്. എന്നാൽ ഒക്ടോബർ 1 മുതൽ ഇതിന് നിരക്കേർപ്പെടുത്താനാണ് കമ്പനിയുടെ തീരുമാനം.

അടുത്ത മാസം മുതൽ വാട്ട്സാപ്പ് ബിസിനസിലൂടെ സന്ദേശമയക്കുന്ന കമ്പനികൾക്ക് പുതിയ വിലവിവരം നൽകും. ഇടപെടലിന്റെ പ്രത്യേകതയെയും ഗുണനിലവാരത്തെയും അടിസ്ഥാനമാക്കി നിരക്കുകൾ ക്രമീകരിക്കുക എന്നതാണ് ലക്ഷ്യം.

2026 സെപ്റ്റംബർ 30-നകം ബിസിനസിനായി ആരംഭിച്ച ഔദ്യോഗിക അക്കൗണ്ടുകളിൽ ഒരു പേയ്‌മെന്റ് രീതി ചേർക്കണമെന്ന് മെറ്റ അറിയിച്ചു. നിരക്ക് രീതി പ്രാബല്യത്തിൽ വന്നിട്ടും ഇത് ചെയ്യാത്തവർക്ക് സന്ദേശമയക്കാൻ സാധിക്കില്ല.

ബിസിനസ്സുകളിൽ നിന്ന് വാട്ട്‌സ്ആപ്പ് ഉപയോക്താക്കൾക്ക് അയയ്ക്കുന്ന സന്ദേശങ്ങൾക്ക് മാത്രമേ മെറ്റാ നിരക്ക് ഈടാക്കൂ. ഒരു ഉപയോക്താവ് ഒരു ബിസിനസ് സ്ഥാപനത്തിലേക്ക് സന്ദേശം അയയ്ക്കുമ്പോഴോ വിളിക്കുമ്പോഴോ, 24 മണിക്കൂറും പ്രവർത്തിക്കുന്ന ഒരു ഉപഭോക്തൃ സേവന വിൻഡോ തുറക്കും.

24 മണിക്കൂർ സമയപരിധി കഴിഞ്ഞാൽ മാർക്കറ്റിംഗ്, പ്രാമാണീകരണം അല്ലെങ്കിൽ ഇടപാട് ടെംപ്ലേറ്റുകൾ പോലുള്ള മുൻകൂട്ടി അംഗീകരിച്ച സന്ദേശങ്ങളായാക്കാൻ സാധിക്കില്ല. എഐ ടോക്കണുകൾക്കാണ് നിരക്ക് ഈടാക്കുക. 1 ദശലക്ഷം ടോക്കണുകൾക്ക് രണ്ട് യുഎസ് ഡോളർ എന്ന ആഗോള നിരക്കിലാണ് ഇത് ഈടാക്കുന്നത്.