തരംഗമാവാൻ ഗൂഗിളിന്റെ ജെമിനി 3.7 ഫ്ലാഷ് എത്തി, പ്രോ പതിപ്പ് ഇപ്പോഴും പരീക്ഷണ ഘട്ടത്തിലെന്ന് റിപ്പോര്‍ട്

കോഡിങ്ങും ബിസിനസ് ഓട്ടോമേഷനും എളുപ്പമാക്കുന്ന ഗൂഗിളിന്റെ ജെമിനി 3.7 ഫ്ലാഷ് പുറത്തിറങ്ങി. ഓപ്പൺ എഐ, ആന്ത്രോപിക് നിരയിൽ മത്സരത്തിന് ഒരുങ്ങുകയാണ് ഈ മോഡലോടെ ആൽഫബെറ്റ്. കമ്പനിയുടെ ഡീപ്മൈൻഡിന് എത്രത്തോളം മുന്നോറാൻ കഴിയുമെന്നാണ് നിശ്ചയിക്കപ്പെടാനിരിക്കുന്നത്. കുറഞ്ഞ ചെലവിൽ കൂടുതൽ കാര്യക്ഷമതയാണ് വാഗ്ദാനം. മനുഷ്യന്റെ ഇടപെടൽ പരമാവധി കുറച്ച് നിര്‍മ്മിത ബുദ്ധിയുടെ പരമാവധി സഹായം സാധ്യമാക്കുകയാണ് സാധ്യതയായി പറഞ്ഞിരിക്കുന്നത്.

ജെമിനി 3.6 അവതരിപ്പിച്ച് ഒരുമാസത്തിനകമാണ് 3.7 ന്റെ വരവ്. ഗൂഗിൾ സ്പാര്‍ക്ക് വഴി 160 രാജ്യങ്ങളിൽ ലഭ്യമാക്കി. കോഡിങ്, ഡീഡബ്ബിങ്, സോൾവിങ് എന്നിങ്ങിനെ രംഗങ്ങളിൽ മികച്ച ഫലം നൽകുന്നു. വലിയ ഓഫറുകളും ഗൂഗിൾ പ്രഖ്യാപിച്ചിട്ടുണ്ട്.

പ്രോ പതിപ്പ്

കാത്തിരിപ്പിൽ

അൽഫബെറ്റിന്റെ ഗൂഗിളിൽ നിന്ന് വലിയ പ്രതീക്ഷയോടെ കാത്തിരുന്ന ഫ്ലാഗ്ഷിപ് മോഡലായ ജെമിനി 3.5 പ്രോ ഇപ്പോഴും അണിയറയിലാണ്. പങ്കാളികൾക്ക് ഇടയിൽ പരീക്ഷിക്കുന്നു എന്നാണ് ഇപ്പോഴും ആവര്‍ത്തിക്കുന്നത്. ബ്ലൂംബെർഗ് തുടങ്ങിയ മാധ്യമ റിപ്പോര്‍ടുകൾ പ്രകാരം ആന്ത്രോപിക്, ഓപ്പൺ എഐ തുടങ്ങിയ എതിരാളികളുടെ മോഡലുകളെ കവച്ച് വെക്കുന്ന പ്രകടം ആര്‍ജിക്കാനുള്ള കാത്തിരിപ്പാണ്. ഇതാണ് കോഡിങ് പരീക്ഷണ ഘട്ടത്തിൽ തന്നെ തുടരുന്നതിന് കാരണമായിരിക്കുന്നത്.

എഐ രംഗത്ത് മത്സരത്തിന്റെ ഭാഗമായി ജെമിനി പ്രോജക്ട് സജീവമാക്കുന്നതായി കഴിഞ്ഞ ദിവസം ഗൂഗിൾ സഹ സ്ഥാപകൻ സെര്‍ജി ബ്രിൻ പറഞ്ഞിരുന്നു. ഇതിനു പിന്നാലെ ഗൂഗിൾ ഡീപ്മൈൻഡ് നേതൃത്വത്തിൽ വലിയ അഴിച്ചുപണിയും നടന്നു. ഡെമിസ് ഹസ്സാബിനെ മാറ്റി ഡെപ്യൂട്ടിയായ കൊറായ് കവുകു ചിയോഗ്ലുവിനെ നിയമിച്ചു.

ഫ്ലാഗ്ഷിപ് മോഡലുകൾ താമസിക്കുന്നതും കോഡിങ് രംഗത്ത് പിന്നോക്കം പോകുന്നതും ആൽഫബെറ്റിനകത്ത് വലിയ ചര്‍ച്ചകൾ ഉയര്‍ത്തിയിട്ടുണ്ട്. എന്നാൽ എല്ലാം ശരിയായ ദിശയിൽ മുന്നേറുകയാണെന്ന് വരുമാന കണക്കുകൾ നിരത്തി സിഇഓ സുന്ദര്‍ പിച്ചൈ അവകാശപ്പെട്ടു.