രണ്ട് അടിയിൽ സിറ്റി തീർത്തു; മാഞ്ചസ്റ്റർ ഡെർബിയിൽ യുണൈറ്റഡിന് ജയം

മാഞ്ചസ്റ്റർ: ഇം​ഗ്ലീ​ഷ് പ്രീ​മി​യ​ർ ലീ​ഗ് ഫു​ട്ബോ​ളി​ൽ ബദ്ധവൈരികളായ മാഞ്ചസ്റ്റർ യുണൈറ്റഡിനോട് തോൽവി വഴങ്ങി മാഞ്ചസ്റ്റർ സിറ്റി. പ്രീമിയർ ലീ​ഗിൽ പുതുവർഷത്തിൽ നടന്ന ആദ്യ മാഞ്ചസ്റ്റർ ഡെർബിയിൽ എതിരില്ലാത്ത രണ്ട് ​ഗോളിനാണ് സിറ്റി അടിയറ പറഞ്ഞത്. ഉജ്ജ്വല വിജയത്തോടെ യുണൈറ്റഡ് പോയന്റ് പട്ടികയിൽ നാലാം സ്ഥാനത്തെത്തി.

പരിശീലകനായെത്തിയ ആദ്യ മത്സരത്തിലെ വിജയം മുൻ മാഞ്ചസ്‌റ്റർ യുണൈറ്റഡ് താരകൂടിയായ മൈക്കൽ കാരിക്കിന് ഇരട്ടിമധുരമായി. കളിയുടെ രണ്ടാം പകുതിയിലാണ് രണ്ട് ​ഗോളുകളും പിറന്നത്. 65-ാം മിനിറ്റിൽ ബ്രയാൻ എംബ്യൂമോയും 76-ാം മിനിറ്റിൽ പാട്രിക് ഡോർഗുവും യുണൈറ്റഡിനായി ​ഗോൾ കണ്ടെത്തി. ഓഫ്‌സൈഡും മികച്ച അവസരങ്ങൾ യുണൈറ്റഡിന് ​ഗോളാക്കി മാറ്റാൻ കഴിയാത്തതും സിറ്റിക്ക് ആശ്വാസമായി.