മധു ബാലകൃഷ്‌ണന്‌ പുരസ്‌കാരം സമ്മാനിച്ചു

കാലടി

തിരുവൈരാണിക്കുളം മഹാദേവ ക്ഷേത്ര ട്രസ്റ്റിന്റെ തിരുവൈരാണിക്കുളത്തപ്പൻ പുരസ്കാരം ഗായകൻ മധു ബാലകൃഷ്ണന് സമ്മാനിച്ചു.

തിരുവാതിര ഓഡിറ്റോറിയത്തിൽ നടന്ന ചടങ്ങിൽ സംഗീതജ്ഞൻ പ്രൊഫ. ശ്രീവത്സൻ ജെ മേനോൻ മധു ബാലകൃഷ്ണന് പുരസ്‌കാരം നൽകി.

ക്ഷേത്രട്രസ്റ്റ് പ്രസിഡന്റ് എ മോഹൻകുമാർ അധ്യക്ഷനായി. വി കലാധരൻ മധു ബാലകൃഷ്ണനെ പരിചയപ്പെടുത്തി. ക്ഷേത്ര ട്രസ്റ്റ് സെക്രട്ടറി കെ എൻ മോഹനൻ, ശ്രീവത്സൻ ജെ മേനോൻ, വേണു വി ദേശം, എം കെ റെജി തുടങ്ങിയവർ സംസാരിച്ചു. 50,000 രൂപയും പ്രശസ്തിപത്രവും ഫലകവുമാണ്‌ പുരസ്കാരം.