print edition കണ്ണൂരിന് കണ്ണീർ

കണ്ണൂർ

സ്വന്തം തട്ടകത്തിൽ കണ്ണൂർ വാരിയേഴ്‌സിന്‌ തോൽവി. സൂപ്പർ ലീഗ്‌ കേരള ഫുട്‌ബോളിൽ കാലിക്കറ്റ്‌ എഫ്‌സി 2–1ന് ജയിച്ചു. തോൽവിയോടെ കണ്ണൂരിന്റെ സെമി സാധ്യത തുലാസിലായി. ഒന്നാമതുള്ള കാലിക്കറ്റ്‌ സെമി ഉറപ്പിച്ചതാണ്‌.

ജവാഹർ മുനിസിപ്പൽ സ്‌റ്റേഡിയത്തിൽ നടന്ന മത്സരത്തിൽ സെബാസ്‌റ്റ്യൻ റിങ്കോണും മുഹമ്മദ്‌ ആഷിഖും കാലിക്കറ്റിനായി ഗോളടിച്ചു. ക്യാപ്‌റ്റൻ അഡ്രിയാൻ സാർഡിനെറോ പെനൽറ്റിയിലാണ്‌ കണ്ണൂരിന്റെ ആശ്വാസഗോൾ കണ്ടെത്തിയത്‌.

ഡിസംബർ രണ്ടിന്‌ തൃശൂർ മാജിക്‌ എഫ്‌സിക്കെതിരെയാണ്‌ കണ്ണൂരിന്റെ അവസാന മത്സരം. നാളെ തിരുവനന്തപുരം കൊമ്പൻസ്‌ മലപ്പുറം എഫ്‌സിയെ നേരിടും. ഡിസംബർ മൂന്നിന്‌ കൊമ്പൻസിന്‌ കാലിക്കറ്റുമായി കളിയുണ്ട്‌. അവസാനമത്സരം നാലിന്‌ മലപ്പുറവും കൊച്ചിയും തമ്മിലാണ്‌.