അവസാന നിമിഷം ബെൽജിയം ഉയർത്തെഴുന്നേറ്റു; സെനഗലിനെ വീഴ്ത്തി പ്രീ ക്വാർട്ടറിൽ

സിയാറ്റിൽ: യൂറോപ്യൻ കരുത്തും ആഫ്രിക്കൻ വീര്യവും കളത്തിൽ പോരാടിയപ്പോൾ സെനഗലിനെ 3–2ന് തോൽപിച്ച് ബൽജിയം പ്രീ-ക്വാർട്ടറിൽ. രണ്ട് ​ഗോളിന്റെ ലീഡിൽ 86–ാം മിനിറ്റുവരെ മുന്നേറിയ സെനഗലിനെ അവസാന നിമിഷം അട്ടിമറിച്ചാണ് ബെൽജിയം മുന്നേറിയത്.

മത്സരത്തിന്റെ തുടക്കത്തിൽ ബെൽജിയം മുന്നേറ്റങ്ങൾ നടത്തിയെങ്കിലും സെന​ഗൽ പ്രതിരോധിച്ചു. പ്രത്യാക്രമണങ്ങളിലൂടെ മുന്നേറിയ ടീം ഹബിബ് ഡയാരയിലൂടെ 24-ാം മിനിറ്റിൽ ലീഡെടുത്തു. രണ്ടാം പകുതിയുടെ തുടക്കത്തിൽ തന്നെ നടത്തിയ മുന്നേറ്റത്തിലൂടെ 51–ാം മിനിറ്റിൽ സെനഗലിന് രണ്ടാം ​ഗോളും നേടി. ഇസ്‍മായില സാറാണ് ഇത്തവണ ലക്ഷ്യം കണ്ടത്.

എന്നാൽ 86–ാം മിനിറ്റിൽ റൊമേലു ലുക്കാക്കുവും 89–ാം മിനിറ്റിൽ യോരി ടീലമെൻസും സെനഗലിന്റെ വിജയപ്രതീക്ഷകൾ തല്ലിക്കെടുത്തി. . അതോടെ സ്കോർ 2-2 സമനിലയിലായി. പിന്നാലെ മത്സരം അധികസമയത്തിലേക്ക് നീങ്ങി. മത്സരം ഷൂട്ടൗട്ടിലേക്ക് നീങ്ങുമെന്ന് കണ്ട അധികസമയത്തിലെ എക്സ്ട്രാ ടൈമിലെ 120+5–ാം മിനിറ്റിൽ ലഭിച്ച പെനാൽറ്റി ബെൽജിയത്തിന് അനകൂലമായി.

ബെൽജിയത്തിനായി ടീലിസ്മാൻ നടത്തിയ മുന്നേറ്റം തടയുന്നതിനിടെ ബോക്സിൽ നടന്ന ഫൗളിന് വാർ പരിശോധനയ്ക്ക് ശേഷം പെനാൽറ്റി വിധിക്കുകയായിരുന്നു. ടീലിസ്മാൻ പന്ത് ലക്ഷ്യത്തിലെത്തിച്ചതോടെ സെനഗൽ പോരാട്ടം റൗണ്ട് ഓഫ് 32ൽ അവസാനിച്ചു.