സുബ്രതോ കപ്പ്‌ ; കേരളം ഫൈനലിൽ

ന്യൂഡൽഹി

സുബ്രതോ കപ്പിനായുള്ള അണ്ടർ 17 സ്‌കൂൾ ഫുട്‌ബോളിൽ കേരളം ഫൈനലിൽ കടന്നു. സെമിയിൽ മിസോറമിനെ ഒരുഗോളിന്‌ തോൽപ്പിച്ചു. മുഹമ്മദ്‌ അഷ്‌മിലാണ്‌ വിജയഗോൾ നേടിയത്‌. കോഴിക്കോട്‌ ജില്ലയിലെ ഫാറൂഖ്‌ ഹയർ സെക്കൻഡറി സ്‌കൂളാണ്‌ കേരളത്തെ പ്രതിനിധീകരിക്കുന്നത്‌. നാളെ ഫൈനലിൽ ഉത്തരാഖണ്ഡിലെ അമിനിറ്റി സിബിഎസ്‌ഇ പബ്ലിക്‌ സ്‌കൂളാണ്‌ എതിരാളി. 11 വർഷത്തെ ഇടവേളയ്‌ക്കുശേഷമാണ്‌ കേരളം കിരീടപ്പോരിന്‌ അർഹത നേടുന്നത്‌.

മലപ്പുറം എംഎസ്‌പി ഹയർ സെക്കൻഡറി സ്‌കൂൾ 2014ൽ ഫൈനൽ കളിച്ചിട്ടുണ്ട്‌. അന്ന്‌ ബ്രസീൽ സ്‌കൂൾ ടീമിനോട്‌ ഷൂട്ട‍ൗട്ടിൽ തോറ്റു.