print edition തിലക്‌ വർമ ക്യാപ്‌റ്റൻ

ദോഹ: എസിസി റൈസിങ്‌ സ്‌റ്റാർ ഏഷ്യാ കപ്പിനുള്ള ഇന്ത്യ എ ക്രിക്കറ്റ്‌ ടീമിനെ തിലക്‌ വർമ നയിക്കും. 19 മുതൽ 29വരെ ഖത്തറിലെ ദോഹയിലാണ്‌ ചാംപ്യൻഷിപ്. അഭിഷേക്‌ ശർമ, ക‍ൗമാരതാരം വൈഭവ്‌ സൂര്യവംശി എന്നിവർ ടീമിലുണ്ട്‌.

എ ഗ്രൂപ്പിലാണ്‌ ഇന്ത്യ. യുഎഇ, നേപ്പാൾ, പാകിസ്ഥാൻ ടീമുകളുമായി കളിക്കും. ബി ഗ്രൂപ്പിൽ ബംഗ്ലാദേശ്‌ എ, ശ്രീലങ്ക എ, അഫ്‌ഗാനിസ്ഥാൻ എ, ഹോങ്കോങ്‌ ടീമുകളാണ്‌. 20ന്‌ നേപ്പാളുമായാണ്‌ ഇന്ത്യയുടെ ആദ്യ കളി. 22ന്‌ പാകിസ്ഥാൻ എ ടീമിനെയും 24ന്‌ യുഎഇയെയും നേരിടും.

ഇന്ത്യ എ ടീം: അഭിഷേക്‌ ശർമ, വൈഭവ്‌ സൂര്യവംശി, പ്രഭ്‌സിമ്രാൻ സിങ്‌, തിലക്‌ വർമ, രജത്‌ പടിദാർ, റിങ്കു സിങ്‌, കുമാർ കുശാഗ്ര, സുയാൻഷ്‌ ഷെഡ്‌ഗെ, ഷഹബാസ്‌ അഹമ്മദ്‌, വിപ്രജ്‌ നിഗം, ഹർഷ്‌ ദുബെ, തനുഷ്‌ കോട്ടിയാൻ, ഹർഷിത്‌ റാണ, പ്രിൻസ്‌ യാദവ്‌, അർഷാദ്‌ ഖാൻ.