എതിരാളി പാകിസ്ഥാൻ ; സെമി ബഹിഷ്​കരിച്ച്​ ഇന്ത്യ ലെജൻഡ്സ്

എഡ്​ജ്​ബാസ്​റ്റൺ

ലെജൻഡ്​സ്​ ലോക ചാമ്പ്യൻഷിപ്​ ക്രിക്കറ്റിൽ​ പാകിസ്ഥാനെതിരായ സെമി ഇന്ത്യൻ ടീം ബഹിഷ്​കരിച്ചു. ഇതോടെ പാകിസ്ഥാൻ ഫൈനലിലേക്ക്​ മുന്നേറി. ഇന്നാണ്​ സെമി നടക്കേണ്ടിയിരുന്നത്​. ഗ്രൂപ്പ്​ ഘട്ടത്തിലും പാകിസ്ഥാനുമായി കളിച്ചിരുന്നില്ല. പോയിന്റ്​ വീതം വയ്​ക്കുകയായിരുന്നു.

യുവരാജ്​ സിങ്​, സുരേഷ്​ റെയ്​ന, ഹർഭജൻ സിങ്​, പീയുഷ്​ ച‍ൗള, യൂസഫ്​ പഠാൻ, റോബിൻ ഉത്തപ്പ തുടങ്ങിയ കളിക്കാരെല്ലാം പാകിസ്ഥാനുമായി കളിക്കുന്നതിൽ എതിർപ്പ്​ പ്രകടിപ്പിച്ചിരുന്നു.

അതിനിടെ ഏഷ്യാ കപ്പ്​ ക്രിക്കറ്റിൽ ഇരു ടീമുകളും മുഖാമുഖം വരുന്നുണ്ട്​. സെപ്​തംബർ 14നാണ്​ കളി. വനിതാ ഏകദിന ലോകകപ്പിൽ ഒക്​ടോബർ ആറിന്​ ഇന്ത്യ–പാക്​ മത്സരമുണ്ട്​. ബിസിസിഐ ഇക്കാര്യത്തിൽ ഇതുവരെ തീരുമാനമെടുത്തിട്ടില്ല.