കളിക്കാരെ അവതരിപ്പിച്ച്​​ ആലപ്പി റിപ്പിള്‍സ്

ആലപ്പുഴ

കേരള ക്രിക്കറ്റ് ലീഗിനുള്ള ആലപ്പി റിപ്പിള്‍സ് ടീം കളിക്കാരെ അവതരിപ്പിച്ചു. എസ് ഡി കോളേജില്‍ നടന്ന ചടങ്ങിൽ ബ്രാന്‍ഡ് അംബാസഡർ നടൻ കുഞ്ചാക്കോ ബോബന്റെ സാനിധ്യത്തിലാണ്​ കളിക്കാരെ പരിചയപ്പെടുത്തിയത്​. ലഹരിക്കെതിരായ പ്രചാരണത്തിന്​ ഊന്നല്‍ നല്‍കിയായിരുന്നു അവതരണം. കോച്ച് സോണി ചെറുവത്തൂര്‍,

ക്യാപ്റ്റന്‍ മുഹമ്മദ് അസ്​ഹറുദ്ദീന്‍, വൈസ് ക്യാപ്റ്റന്‍ അക്ഷയ് ചന്ദ്രന്‍

എന്നിവരും മറ്റ് ടീമംഗങ്ങളും ചടങ്ങിൽ പങ്കെടുത്തു. ടീം ഉടമകളായ ടി എസ്​ കലാധരൻ, റാഫേല്‍ പൊഴോലിപ്പറമ്പില്‍ തോമസ് എന്നിവർ കളിക്കാർക്ക് തൊപ്പി കൈമാറി.

ജലജ് സക്​സേന, വിഗ്നേഷ് പുത്തൂര്‍, ടി കെ അക്ഷയ്, എൻ പി ബേസിൽ, ശ്രീഹരി എസ് നായർ, ആദിത്യ ബൈജു, മുഹമ്മദ് കൈഫ്‌, രാഹുൽ ചന്ദ്രൻ, അനുജ്ജ് ജോതിൻ, എം പി ശ്രീരൂപ്, ബാലു ബാബു, കെ എ അരുൺ, അഭിഷേക് പി നായർ, ആകാശ് പിള്ള, മുഹമ്മദ് നാസിൽ, അർജുൻ നമ്പ്യാർ എന്നിവരാണ് ടീമിലെ മറ്റ് കളിക്കാർ.  22ന്​

തൃശൂർ ടൈറ്റൻസിനെതിരെയാണ് ടീമിന്റെ ആദ്യ മത്സരം.

മുൻ എംപി എ  എം ആരിഫ്, കോളേജ് പ്രിന്‍സിപ്പല്‍ ഡോ. പ്രഭാകരൻ നായർ എന്നിവർക്കൊപ്പം കെസിഎ ഭാരവാഹികളും പരിശീലകസംഘവും പങ്കെടുത്തു.  തുടര്‍ന്ന് റാപ്പര്‍ ഫെജോ, ഡിജെ റിക്കി ബ്രൗണ്‍ എന്നിവരുടെ പരിപാടികളും ലൈറ്റ് ആന്‍ഡ് സൗണ്ട് ഷോയും നടന്നു.