സീനിയർ വനിതാ ട്വന്റി 20: കേരള ടീമിനെ എസ് ആശ നയിക്കും

തിരുവനന്തപുരം: ബിസിസിഐ ദേശീയ സീനിയർ വനിതാ ട്വന്റി 20 ചാമ്പ്യൻഷിപ്പിനുള്ള കേരള ടീമിനെ പ്രഖ്യാപിച്ചു. ആശ ശോഭനയാണ് ടീമിന്റെ ക്യാപ്റ്റൻ. ഒക്ടോബർ 26 മുതൽ നവംബർ 6 വരെ ഉത്തർപ്രദേശിലെ ലക്നൗവിലാണ് മത്സരങ്ങൾ നടക്കുന്നത്.

17 അംഗ ടീമിനെയാണ് പ്രഖ്യാപിച്ചിട്ടുള്ളത്. തിങ്കളാഴ്ച സിക്കിമിനെതിരെയാണ് കേരളത്തിന്റെ ആദ്യ മത്സരം. റെയിൽവേസ്, പഞ്ചാബ്, തമിഴ്നാട്, ത്രിപുര, ഗുജറാത്ത്, വിദർഭ എന്നിവരടങ്ങുന്ന സി ഗ്രൂപ്പിലാണ് കേരളം സ്ഥാനം പിടിച്ചിട്ടുള്ളത്.

കേരള ടീം: എസ് ആശ (ക്യാപ്റ്റൻ), എം പി വൈഷ്ണ (വിക്കറ്റ് കീപ്പർ), അനന്യ കെ പ്രദീപ് (വിക്കറ്റ് കീപ്പർ), ടി ഷാനി, എസ് സജന, എ അക്ഷയ, ഐ വി ദൃശ്യ, കിരൺ നവ്ഗിരെ, രോഹിണി മാനെ, ദിവ്യ ഗണേഷ്, വി എസ് മൃദുല, ദർശന മോഹനൻ, കെ നിയ നസ്നീൻ, നിത്യ ലൂർദ്ദ്, സി എം സി നജ്ല, വി ജെ ജോഷിത, വിനയ സുരേന്ദ്രൻ.