ഇറ്റലിയെ തകർത്ത്‌ ഫ്രാൻസ്‌
റോം
ഇരട്ടഗോളുമായി അഡ്രിയെൻ റാബിയറ്റ്‌ മിന്നിയ കളിയിൽ ഇറ്റലിയെ വീഴ്‌ത്തി ഫ്രാൻസ്‌ (3–-1). നേഷൻസ്‌ ലീഗ്‌ ഫുട്‌ബോളിൽ നേരത്തേ ക്വാർട്ടർ ഉറപ്പിച്ച കരുത്തരുടെ പോര്‌ ഏകപക്ഷീയമായിരുന്നു. ഫ്രാൻസ്‌ അനായാസം കളി പിടിച്ചു. ഇറ്റലി ഗോളി ഗുഗ്ലിയെൽമോ വികാറിയോയുടെ പിഴവാണ്‌ മറ്റൊരു ഗോളിന്‌ വഴിയൊരുക്കിയത്‌. അസൂറികൾക്കായി ആൻഡ്രിയ കാംമ്പിയാസോ ലക്ഷ്യം കണ്ടു.
മറ്റൊരു മത്സരത്തിൽ ഇംഗ്ലണ്ട്‌ അയർലൻഡിനെ അഞ്ച്‌ ഗോളിന്‌ തരിപ്പണമാക്കി. ഇടക്കാല പരിശീലകൻ ലീ കാൾസിക്ക്‌ കീഴിൽ അവസാനമത്സരമായിരുന്നു അവർക്ക്‌. പുതിയ കോച്ച്‌ തോമസ്‌ ടുഷെൽ ജനുവരിയിൽ സ്ഥാനമേൽക്കും. കാൾസി നയിച്ച ആറിൽ അഞ്ചിലും ഇംഗ്ലണ്ട്‌ ജയിച്ചു. ഒരു തോൽവി. അയർലൻഡിനെതിരെ ഹാരി കെയ്‌ൻ, ആന്തണി ഗോഡോൺ, കൊണോർ ഗാല്ലാഗെർ, ജാറോഡ്‌ ബവെൻ, ടെയ്‌ലർ ഹാർവുഡ്‌ ബെല്ലിസ്‌ എന്നിവർ ഗോളടിച്ചു.
Tags
Related News
Dont Miss it
0 comments