യുവകലാസാഹിതി യുഎഇ കലോത്സവം: ലോഗോ തിരഞ്ഞെടുത്തു

ദുബായ്: 2025 നവംബർ 15 മുതൽ 23 വരെ അജ്മാനിൽ വെച്ച് നടക്കുന്ന യുവകലാസാഹിതി യുഎഇ കലോത്സവം സീസൺ-2 വിൻ്റെ ലോഗോ തിരഞ്ഞെടുത്തു. ഉണ്ണിരാജ് രാവണേശ്വരം രൂപകൽപ്പന ചെയ്ത ലോഗോയാണ് വിദഗ്ധ സമിതി തെരഞ്ഞെടുത്തത്. ഇരുപത്തിയഞ്ചിലധികം രചനകൾ ലഭിച്ചിരുന്നു. ഉണ്ണിരാജ് വിവിധ സ്കൂൾ കലോത്സവങ്ങൾക്കും പരിപാടികൾക്കും ലോഗോകൾ രൂപകൽപ്പന ചെയ്തിട്ടുള്ള കലാകാരനാണ്. വിജയിക്ക് 5,000 രൂപയും ഫലകവും സമ്മാനമായി നൽകും.