യുഎഇയിൽ 3 ദിവസം മഴയ്‌ക്ക്‌ സാധ്യത; ചൂട് 50 ഡിഗ്രിയിലേക്ക്

ദുബായ്: കടുത്ത വേനൽച്ചൂടിനിടെ യുഎഇയുടെ കിഴക്കൻ മേഖലകളിൽ ചൊവ്വമുതൽ വ്യാഴംവരെ മഴയ-്‌ക്ക്‌ സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം. ഉച്ചയ-്‌ക്കുശേഷം രൂപംകൊള്ളുന്ന സംവഹന മേഘങ്ങളാണ് മഴയ-്‌ക്ക്‌ കാരണമാകുക. കഴിഞ്ഞയാഴ-്‌ച രാജ്യത്തിന്റെ കിഴക്കൻ മേഖലകളിൽ, പ്രത്യേകിച്ച് ഖോർഫക്കാനിലും പരിസര പ്രദേശങ്ങളിലും വേനൽക്കാലത്തെ ആദ്യമഴ ലഭിച്ചിരുന്നു. മലനിരകളിലുണ്ടായ മഴയെ തുടർന്ന് വെള്ളച്ചാട്ടങ്ങളും സജീവമായി. അതേസമയം, രാജ്യത്ത് താപനില 50 ഡിഗ്രിയോട് അടുത്തിരിക്കുകയാണ്. ശനിയാഴ-്‌ച അൽ ഐനിലെ സ്വൈഹാനിൽ 49.4 ഡിഗ്രി ഉയർന്ന താപനില രേഖപ്പെടുത്തി.

​ചൊവ്വാഴ-്‌ച പൊതുവേ തെളിഞ്ഞതോ ഭാഗികമായി മേഘാവൃതമോ ആയ കാലാവസ്ഥയായിരിക്കും. കിഴക്കൻ മേഖലകളിൽ ഉച്ചയോടെ മഴമേഘങ്ങൾ രൂപപ്പെട്ടേക്കാം. രാത്രിയിലും ബുധൻ പുലർച്ചെയുമായി പടിഞ്ഞാറൻ തീരപ്രദേശങ്ങളിൽ ഈർപ്പം വർധിക്കാനും മൂടൽമഞ്ഞ്/നേർത്ത മഞ്ഞ് രൂപപ്പെടാനുമുള്ള സാധ്യതയുണ്ട്. ബുധനാഴ-്‌ചയും സമാന സാഹചര്യം തുടരും. കിഴക്കൻ മേഖലകളിൽ ഉച്ചയ-്‌ക്കുശേഷം മഴ ലഭിക്കാനുള്ള സാധ്യത നിലനിൽക്കും. തീരപ്രദേശങ്ങളിൽ രാത്രിയോടെ ഈർപ്പം കൂടുകയും മൂടൽമഞ്ഞ് അനുഭവപ്പെടുകയും ചെയ്യാം.

​വ്യാഴാഴ-്‌ചയും കിഴക്കൻ മേഖലകളിൽ മഴമേഘങ്ങൾ രൂപപ്പെടാൻ സാധ്യതയുണ്ട്‌. രാജ്യത്തിന്റെ പടിഞ്ഞാറൻ ഭാഗങ്ങളിൽ താപനിലയിൽ നേരിയ കുറവ് അനുഭവപ്പെടും. ​ഫുജൈറ, ദിബ്ബ, ഹത്ത, കൽബ, അൽ ഐൻ എന്നിവ ഉൾപ്പെടുന്ന കിഴക്കൻ മേഖലകളിൽ വേനൽക്കാല മഴ അസാധാരണമല്ല. ഇന്ത്യയിലെ മൺസൂൺ ന്യൂനമർദവുമായി ബന്ധപ്പെട്ട കാലാവസ്ഥാ വ്യതിയാനങ്ങളാണ് മഴയ-്‌ക്ക്‌ കാരണമാകുന്നത്‌. ​കാലാവസ്ഥാ സാഹചര്യം അനുകൂലമായാൽ മഴമേഘങ്ങൾ ഉൾനാടൻ പ്രദേശങ്ങളിലേക്കും ദുബായുടെ പ്രാന്തപ്രദേശങ്ങളിലേക്കും വ്യാപിക്കാനുള്ള സാധ്യതയുമുണ്ടെന്ന് അധികൃതർ അറിയിച്ചു.