സൗദിയിൽ പണപ്പെരുപ്പം 1.9 ശതമാനം

റിയാദ്: സൗദി അറേബ്യയിൽ സെപ-്‌തംബറിലും പണപ്പെരുപ്പ നിരക്ക് 1.9 ശതമാനമായി തുടർന്നു. ആഗസ-്‌തിനെ അപേക്ഷിച്ച് വിലനിലവാരത്തിൽ കാര്യമായ മാറ്റമുണ്ടായില്ല. കഴിഞ്ഞ വർഷം സെപ-്‌തംബറിലെ വിലയുമായി താരതമ്യം ചെയ്യുമ്പോഴാണ് വർധന. സ്റ്റാറ്റിസ്റ്റിക്സ് അതോറിറ്റി പുറത്തുവിട്ട കണക്കുകൾ പ്രകാരം വീട്ടുവാടക, വൈദ്യുതി, വെള്ളം, ഇന്ധനം തുടങ്ങിയ ചെലവുകളിലാണ് കൂടുതൽ വർധനയുണ്ടായത്. ഈ വിഭാഗത്തിൽ 3.6 ശതമാനം വർധന രേഖപ്പെടുത്തി. ഗതാഗത ചെലവ് 2.3 ശതമാനവും ഭക്ഷ്യവസ-്‌തുക്കളുടെയും പാനീയങ്ങളുടെയും വില 1.4 ശതമാനവും വർധിച്ചു.

​വീടുവാടകയിൽ 3.5 ശതമാനം വർധനയുണ്ടായി. വ്യക്തിഗത പരിചരണത്തിനുള്ള സാധനങ്ങളുടെയും സേവനങ്ങളുടെയും വില 3.3 ശതമാനവും വിനോദം, കായികം തുടങ്ങിയ മേഖലകളിലെ ചെലവ് 2.5 ശതമാനവും ഉയർന്നു. അവധിക്കാല യാത്രാ പാക്കേജുകളുടെ നിരക്ക് 4.5 ശതമാനം വർധിച്ചു. ​അതേസമയം, ഫർണിച്ചർ, വീട്ടുപകരണങ്ങൾ എന്നിവയുടെ വിലയിൽ 0.5 ശതമാനവും വസ-്‌ത്രങ്ങളുടെയും ചെരുപ്പുകളുടെയും വിലയിൽ 0.4 ശതമാനവും കുറവുണ്ടായി.

ആഗസ-്‌തിനെ അപേക്ഷിച്ച് സെപ-്‌തംബറിൽ വീടുവാടക 0.2 ശതമാനവും ഭക്ഷ്യവസ-്‌തുക്കളുടെ വില 0.1 ശതമാനവും ഉയർന്നു. വിദ്യാഭ്യാസ ചെലവിൽ 1.2 ശതമാനം വർധനയുണ്ടായി. എന്നാൽ, ഭക്ഷണശാലകളിലെയും താമസസേവനങ്ങളിലെയും ചെലവ് 0.5 ശതമാനവും വിനോദമേഖലയിലെ ചെലവ് 0.6 ശതമാനവും കുറഞ്ഞു. ​മൊത്തവില സൂചിക കഴിഞ്ഞ വർഷം സെപ-്‌തംബറിനെ അപേക്ഷിച്ച് 4.2 ശതമാനം ഉയർന്നു. അതേസമയം, ആഗസ-്‌തിനെ അപേക്ഷിച്ച് 0.2 ശതമാനം കുറഞ്ഞു.