ഖരീഫ് സീസണിൽ കൊതുകുകൾക്കെതിരെ മുൻകരുതൽവേണം

സലാല : ഖരീഫ് സീസണിൽ ദോഫാർ ഗവർണറേറ്റിലേക്ക് പോകുന്ന സന്ദർശകരും വിനോദസഞ്ചാരികളും കൊതുകുകൾക്കെതിരെ മുൻകരുതലെടുക്കണമെന്ന്‌ ആരോഗ്യ മന്ത്രാലയം. സീസണൽ മൂടൽമഞ്ഞിനും സഞ്ചാരത്തിനും ഇടയിൽ വിനോദസഞ്ചാരികൾ ചർമ്മത്തെ മൂടുന്ന അനുയോജ്യമായ വസ്ത്രങ്ങൾ ധരിക്കാനും ഫലപ്രദമായ കൊതുക് അകറ്റുന്ന മരുന്നുകൾ ഉപയോഗിക്കാനും വെള്ളമോ പ്രാണികളോ കൂടുന്ന സ്ഥലങ്ങളിൽ നിന്ന് അകന്നു നിൽക്കാനും നിർദേശിച്ചു. അസാധാരണമായ രോഗലക്ഷണങ്ങളുണ്ടെങ്കിൽ ഉടൻ തന്നെ ഡോക്ടറെ സമീപിക്കണമെന്നും മന്ത്രാലയം അറിയിച്ചു.