ഒമാനിൽ ഇന്ത്യൻ സ്‌കൂളുകളിൽ രണ്ടാംക്ലാസുവരെ ഓൺലൈൻ പഠനം

മസ്‌കത്ത്‌ : ഒമാനിൽ ചൂടുവർധിക്കുന്ന സാഹചര്യത്തിൽ ഇന്ത്യൻ സ്‌കൂളുകളിൽ രണ്ടാംക്ലാസുവരെയുള്ള വിദ്യാർഥികൾക്ക് ഞായർമുതൽ ആറുവരെ ഓൺലൈൻ ക്ലാസുകൾ നടത്താൻ ഡയറക്ടർ ബോർഡ്. ​ക്ലാസുകൾ കൈകാര്യം ചെയ്യുന്ന അധ്യാപകർ അതത് സ്കൂളുകളിൽ റിപ്പോർട്ട് ചെയ്യണം. ​സ-്‌കൂളിലേക്കും തിരിച്ചും യാത്ര ചെയ്യുന്ന കുട്ടികളുടെ സുരക്ഷയെയും ക്ഷേമത്തെയും കുറിച്ചുള്ള ആശങ്കകൾ ഉയർത്തുന്ന സാഹചര്യത്തിലാണ് തീരുമാനം. കൊടും വേനൽക്കാലത്ത് ഇന്ത്യൻ സ്കൂളുകൾ വീണ്ടും തുറക്കുന്നതിനെക്കുറിച്ച്‌ രക്ഷിതാക്കൾ ആശങ്കയറിയിച്ചിരുന്നു. രാജ്യത്തിന്റെ പല ഭാഗങ്ങളിലും താപനില 45 ഡിഗ്രിയിൽ കൂടുതൽ ഉയർന്നിട്ടുണ്ട്‌.