കേരള സോഷ്യൽ സെൻ്റർ ബാലവേദി; ഫാദിൽ ഷഹീർ പ്രസിഡന്റ്, റാഹേൽ എറിക് ജനറൽ സെക്രട്ടറി

അബുദാബി: കേരള സോഷ്യൽ സെൻ്റർ ബാലവേദിയുടെ വാർഷിക ജനറൽ ബോഡി യോഗം 2025 - 2026 പ്രവർത്തന വർഷത്തേക്കുള്ള ഭരണസമിതിയെ തെരഞ്ഞെടുത്തു. ബാലവേദി പ്രസിഡൻ്റ് മനസ്വിനി വിനോദ് അദ്ധ്യക്ഷയായി. ലോക കേരളസഭ അംഗം എ കെ ബീരാൻകുട്ടി ഉദ്ഘാടനം ചെയ്തു. ബാലവേദി വൈസ് പ്രസിഡൻ്റ് നീരജ് വിനോദ് അനുശോചന പ്രമേയം അവതരിപ്പിച്ചു. ബാലവേദി ജനറൽ സെക്രട്ടറി നൂർബിസ് നൗഷാദ് വാർഷിക റിപ്പോർട്ട് അവതരിപ്പിച്ചു.

കേരള സോഷ്യൽ സെൻ്റർ ആക്ടിങ്ങ് പ്രസിഡൻ്റ് ആർ ശങ്കർ, ജനറൽ സെക്രട്ടറി സജീഷ് നായർ, വനിതാവിഭാഗം ജനറൽ കൺവീനർ സ്മിത ധനേഷ്കുമാർ, മലയാളം മിഷൻ അബുദാബി ചാപ്റ്റർ പ്രസിഡൻ്റ് സഫറുള്ള പാലപ്പെട്ടി എന്നിവർ സംസാരിച്ചു. ഫാദിൽ ഷഹീറിനെ പ്രസിഡന്റായും റാഹേൽ എറിക്കിനെ ജനറൽ സെക്രട്ടറിയായും സായൂജ്യ സുനിലിനെ വൈസ് പ്രസിഡന്റായും നയനിക ശ്രീജീഷിനെ ജോയിന്റ് സെക്രട്ടറിയായും തെരഞ്ഞെടുത്തു. 25 അംഗ എക്സിക്യൂട്ടിവ് കമ്മിറ്റിയെയും തിരഞ്ഞെടുത്തു.

ബാലവേദിയുടെ സുഗമമായ നടത്തിപ്പിനായി വിവിധ ക്ലബ്ബുകൾക്ക് രൂപം നൽകി. മ്യൂസിക് ക്ലബ്ബ് - മനസ്വിനി വിനോദ് (കൺവീനർ), റോഹൻ മേനോൻ (ജോ. കൺവീനർ), ഡാൻസ് ക്ലബ്ബ്- നിയ വിനോദ് (കൺവീനർ), സാൻവി സെൽജിത് (ജോ. കൺവീനർ), സ്പോർട്സ് ക്ലബ്ബ് - രോഹിത് ദീപു (കൺവീനർ), നിർമ്മൽ ഗിരീഷ് ലാൽ (ജോ. കൺവീനർ), റീഡിങ്ങ് ക്ലബ്ബ് - നൗർബിസ് നൗഷാദ് (കൺവീനർ), നിഖിത സച്ചിൻ (ജോ. കൺവീനർ), ആക്ടിങ്ങ് ക്ലബ്ബ് - ബിയോൺ ബൈജു (കൺവീനർ), സിദ്ധാൻ രമേശ് (ജോ. കൺവീനർ).

ചടങ്ങിൽ ബാലവേദി മുൻ ജനറൽ സെക്രട്ടറി നൗർബിസ് നൗഷാദ് സ്വാഗതവും പുതുതായി തെരഞ്ഞെടുക്കപ്പെട്ട ജനറൽ സെക്രട്ടറി റാഹേൽ എറിക്ക് നന്ദിയും പറഞ്ഞു.