ബോക്സ് ക്രിക്കറ്റ് ടൂർണമെന്റ് സംഘടിപ്പിച്ചു

മസ്കത്ത് : ഫ്രണ്ട്സ് ഓഫ് വാദികബീർ നേതൃത്വത്തിൽ രണ്ടാമത് ബോക്സ് ക്രിക്കറ്റ് ടൂർണമെന്റ് മസ്‌കറ്റിലെ ഓസിസ് ഗ്രൗണ്ടിൽ വെച്ച് നടന്നു. വാശിയേറിയ മത്സരത്തിൽ ബൂം ബൂം ബോയ്സ് ജേതാക്കളായി. യുണൈറ്റഡ് മാംഗ്ലൂർ ടീമാണ് ടൂർണമെന്റിലെ റണ്ണർ അപ്പ്. ടൂർണ്ണമെന്റിനോടനുബന്ധിച്ച് 2C ക്ലബ് അവതരിപ്പിച്ച കളരി പയറ്റ് പ്രദർശനം, കുട്ടികൾക്കായുള്ള മത്സരങ്ങൾ എന്നിവയും ഉണ്ടായിരുന്നു.

വിജയികൾക്കുള്ള ട്രോഫിയും ക്യാഷ് അവാർഡും ഇന്ത്യൻ സ്കൂൾ ഡയറക്ടർ ബോർഡ് അംഗം നിധീഷ് കുമാർ, ടൂർണമെന്റിന്റെ മുഖ്യ സ്പോൺസറായ ഗോൾഡൻ ഹെവൻ റിയൽഎസ്റ്റേറ്റ് ദുബായ് എം ഡി ആയ രമേഷ് എന്നിവർ ചേർന്ന് നിർവഹിച്ചു.

ഫ്രണ്ട്സ് ഓഫ് വാദികബീറിന്റെ നേതൃത്വത്തിലുള്ള രണ്ടാമത് ബോക്സ് ക്രിക്കറ്റ് ടൂർണമെന്റാണ് നടന്നത്. വരും നാളുകളിലും ഇത്തരം കലാ, കായിക പരിപാടികൾ ഫ്രണ്ട്സ് ഓഫ് വാദികബീർ നേതൃത്വത്തിൽ സംഘടിപ്പിക്കുമെന്ന് സംഘാടക സമിതി അംഗങ്ങളായ ബിനു കേശവൻ, ഗണേഷ്, മനീഷ രാകേഷ്, വിനോദ്, അനൂപ് പോൾ എന്നിവർ അറിയിച്ചു.