അൽ സാവിയ സ്‌കൂൾ വാർഷികാഘോഷം

സലാല : സലാല അൽ സാവിയ പ്രൈവറ്റ് സ്‌കൂൾ വാർഷികാഘോഷവും കെജി–2 ബിരുദദാന ചടങ്ങും സലാല വിമൺസ് ഹാളിൽ നടന്നു. സലാല ഡെപ്യൂട്ടി ഗവർണർ സാലം ബിൻ മുഹമ്മദ് അൽ അംരി ബിരുദദാന സന്ദേശം നൽകി. സ്കൂൾ ചെയർമാൻ അബ്‌ദുൾ ഷുക്കൂർ അധ്യക്ഷനായി. ​അക്കാദമിക് ഡയറക്ടർ മുഹമ്മദ് ദിൽഷാദ്, വിദ്യാഭ്യാസ മന്ത്രാലയത്തിലെ ഫിനാൻഷ്യൽ അഫയേഴ്സ് സ്പെഷ്യലിസ്റ്റ് അലി സുഹൈൽ സയ്യിദ് ഗവാസ്, സലാല ഗവർണറുടെ ഓഫീസിലെ കോ -ഓർഡിനേഷൻ വിഭാഗം മേധാവി ബദി ഫായിൽ റിയാദ് ബൈത് സറൂർ, ഖാലിദ് അബ്ദുള്ള ഖത്തമീം അൽ മർഹൂൻ, സ്ക‍ൂൾ മാനേജിങ്‌ ഡയറക്ടർ സാജിദ് എന്നിവർ സംസാരിച്ചു. വി​വിധ മേഖലകളിൽ മികവുതെളിയിച്ച വിദ്യാർഥികൾക്കുള്ള പുരസ്കാര വിതരണവും കുട്ടികളുടെ കലാപരിപാടികളും നടന്നു.