സംസ്ഥാനത്ത് സ്വർണവില കൂടിയോ കുറഞ്ഞോ? ഇന്നത്തെ നിരക്കിങ്ങനെ

തിരുവനന്തപുരം: സംസ്ഥാനത്ത് സ്വർണവിലയിൽ ഇന്നും മാറ്റമില്ല. ഒരു പവൻ സ്വർണത്തിന് 1,14,560 രൂപ എന്ന നിരക്കിലാണ് വ്യാപാരം പുരോഗമിക്കുന്നത്. ഒരു ഗ്രാം സ്വർണത്തിന് 14,320 രൂപയാണ് ഇന്നത്തെ വിപണി വില. ജൂൺ മാസം ആരംഭിച്ചത് മുതൽ സ്വർണവില ഇതേ നിരക്കിൽ മാറ്റമില്ലാതെ തുടരുകയാണ്.

മുൻപ് 1,15,160 രൂപയായിരുന്ന പവൻ വിലയിൽ നിന്നും ഒറ്റയടിക്ക് 600 രൂപ കുറഞ്ഞാണ് വില 1,14,560 രൂപയിൽ എത്തിയത്. റെക്കോർഡ് വേഗത്തിൽ കുതിച്ചുയർന്ന സ്വർണവിലയിൽ തുടർച്ചയായി ഉണ്ടാകുന്ന ഈ കുറവും സ്ഥിരതയും സാധാരണക്കാരായ ഉപഭോക്താക്കൾക്ക് വലിയ ആശ്വാസമാണ് പകരുന്നത്.

വരും ദിവസങ്ങളിൽ സ്വർണവില വീണ്ടും ഉയരുമോ അതോ നിലവിലെ ഇടിവ് തുടരുമോ എന്ന ആശങ്കയിലാണ് വ്യാപാരികളും ഉപഭോക്താക്കളും. നിലവിലെ വിപണിയിലെ മാറ്റങ്ങൾക്ക് പിന്നിൽ പ്രധാനമായും അന്താരാഷ്ട്ര കാരണങ്ങളാണ്. പശ്ചിമേഷ്യയിലെ നിലവിലെ രാഷ്ട്രീയ സംഘർഷങ്ങളാണ് സ്വർണവിലയെ പ്രധാനമായും സ്വാധീനിക്കുന്നത്.

യുഎസും ഇറാനും തമ്മിലുള്ള വെടിനിർത്തൽ കരാറുമായി ബന്ധപ്പെട്ട അനിശ്ചിതത്വങ്ങൾ തുടരുന്ന സാഹചര്യത്തിൽ ലോകരാജ്യങ്ങൾ വിപണിയെ ഉറ്റുനോക്കുകയാണ്. അന്താരാഷ്ട്ര തലത്തിലെ ഈ നീക്കങ്ങൾ വരും ദിവസങ്ങളിലും സ്വർണവിലയിൽ നിർണായക പ്രതിഫലനങ്ങൾ ഉണ്ടാക്കിയേക്കും.