ഇന്നലെ ഇടിഞ്ഞു, ഇന്ന് വീണ്ടും കയറി; പൊന്ന് വീണ്ടും മേലോട്ട്

തിരുവനന്തപുരം : വിലയെത്ര കൂടിയാലും കുറഞ്ഞാലും നിക്ഷേപകർക്ക് സ്വർണത്തിനോടുള്ള പ്രിയം കുറയില്ല. ആ​ഗോള സാമ്പത്തിക മാന്ദ്യത്തിന് ശേഷമാണ് നിക്ഷേപകർ സ്വർണത്തിലേക്ക് ശ്രദ്ധ കേന്ദ്രീകരിച്ചത്. പശ്ചിമേഷ്യയിൽ സംഘർഷം ആരംഭിച്ചതിന് ശേഷം സ്വർണവില ചാഞ്ചാട്ടത്തിലാണ്. ഇന്നലെ കുറഞ്ഞ സ്വർണവില ഇന്ന് വീണ്ടും കൂടിയിട്ടുണ്ട്.

ഇന്ന് ഒരു ​ഗ്രാം സ്വർണത്തിന് 95 രൂപ വർധിച്ച് 13,775 രൂപയായി. ഒരു പവന് 760 രൂപ വർധിച്ച് 1,10,200 രൂപയാണ് ഇന്നത്തെ വില. ഇതിനു പുറമെ പണിക്കൂലിയും ജിഎസ്ടിയും കൂടിച്ചേർക്കുമ്പോൾ വലിയ വില കൊടുക്കേണ്ടി വരും. വെള്ളിയുടെ വിലയിൽ മാറ്റമൊന്നുമില്ല, ​ഗ്രാമിന് 240 രൂപയും 10 ​ഗ്രാമിന് 2,400 രൂപയുമാണ്.

ഡോളർ-രൂപ വിനിമയ നിരക്ക്, ഇറക്കുമതി തീരുവ, ക്രൂഡ് ഓയിൽ വില, ആഭ്യന്തര ഓഹരി വിപണിയിലെ മാറ്റങ്ങൾ എന്നിവയെല്ലാം സ്വർണവിലയെ ബാധിക്കുന്ന ഘടകങ്ങളാണ്. പ്രാദേശകമായി പ്രവർത്തിക്കുന്ന ​ഗോൾഡ് അസോസിയേഷനുകളാണ് സംസ്ഥാനത്ത് സ്വർണവില നിശ്ചയിക്കുന്നതെങ്കിലും ആ​ഗോള വിപണിയിലെ ചെറിയ ചലനങ്ങൾ പോലും സ്വർണം വിലയിൽ പ്രതിഫലിക്കാറുണ്ട്.

പത്ത് ദിവസത്തെ സ്വർണവില

ഒക്ടോബർ - 2 - ₹13,775

ഒക്ടോബർ - 1 - ₹13,680

സെപ്റ്റംബർ 30 - ₹13,710

സെപ്റ്റംബർ 29 - ₹13,640

സെപ്റ്റംബർ 28 - ₹13,765

സെപ്റ്റംബർ 27 - ₹13,995

സെപ്റ്റംബർ 26 - ₹13,995

സെപ്റ്റംബർ 25 - ₹14,010

സെപ്റ്റംബർ 24 - ₹13,995

സെപ്റ്റംബർ 23 - ₹14,135