ആലത്തൂരിലേക്ക് വീണ്ടും രാഷ്ട്രപതിയുടെ
പൊലീസ് മെഡൽ

പറപ്പൂക്കര 

പുതുക്കാട് നിയോജക മണ്ഡലത്തിലെ പറപ്പൂക്കര പഞ്ചായത്തിലെ ആലത്തൂർ ഗ്രാമത്തിലേക്ക് വീണ്ടും രാഷ്ട്രപതിയുടെ പൊലീസ് മെഡൽ. അതും ഒരു കുടുംബത്തിലേക്ക് തന്നെ. ആലത്തൂർ മണപ്പിള്ളി വീട്ടിൽ എം കെ  വേണുഗോപാലാണ്   രാഷ്ട്രപതിയുടെ പൊലീസ് മെഡലിന് അർഹനായത്. 2022 ൽ വേണുഗോപാലിന്റെ സഹോദരന്റെ ഭാര്യ എ കെ ഷീബ (എഎസ്ഐ കൊടകര പൊലീസ് സ്റ്റേഷൻ) രാഷ്ട്രപതിയുടെ പൊലീസ് മെഡലിന് അർഹയായിരുന്നു. തിരുവനന്തപുരം അന്താരാഷ്ട്ര വിമാനത്താവളത്തിൽ സി ഐ എസ് എഫ് സർക്കിൾ ഇൻസ്‌പെക്ടറാണ്  വേണുഗോപാൽ. ഭാര്യ : ബിനു. മകൾ: കീർത്തി.