സെപ്റ്റിക് ടാങ്കിന്റെ സ്ലാബ് തകർന്ന് ലോറി മറിഞ്ഞു: ലോറിക്കും ചുവരിനും ഇടയിൽ പെട്ട് ഒരാൾ മരിച്ചു

മലപ്പുറം > മലപ്പുറത്ത് ലോറി പുറകോട്ട് എടുക്കുന്നതിനിടെ അപകടത്തിൽപ്പെട്ട് ഒരാൾ മരിച്ചു. കണ്ണമംഗലം ബദരിയാ നഗർ സ്വദേശി കോയിസൻ ഫാസിൽ ഇല്ല്യാസ് (45) ആണ് മരിച്ചത്. വീടു പണി പൂർത്തിയാക്കാനുള്ള സാമ​ഗ്രികളുെമായെത്തിയ ലോറി പുറകോട്ട് എടുക്കുന്നതിനിടെയാണ് അപകടമുണ്ടായത്.  സെപ്റ്റിക് ടാങ്ക് തകർന്ന് ലോറി വീടിന്റെ ചുമരരികിലേക്ക് ചെരിയുകയായിരുന്നു. ഇതിനിടയിൽ പെട്ടാണ് വീട്ടുടമയായ ഫാസിൽ ഇല്ല്യാസ് മരിച്ചത്. ഇന്ന് ഉച്ചക്ക് 12 ഓടെയാണ് അപകടമുണ്ടായത്. മൃതദേഹം തിരൂരങ്ങാടി താലൂക്ക് ആശുപത്രിയിലേക്ക് മാറ്റി.