സമ്പൂർണ ലൈഫ് പദ്ധതി പ്രഖ്യാപനവും 
വീടിന്റെ താക്കോൽ കൈമാറലും

കുറ്റ്യാടി

കുറ്റ്യാടി പഞ്ചായത്ത് സമ്പൂർണ ലൈഫ് പദ്ധതി പ്രഖ്യാപനവും വീടിന്റെ താക്കോൽദാനവും നടത്തി. വട്ടോളി വട്ടപ്പാറ ചാലിൽ കമല അമ്മയ്ക്ക് വീടിന്റെ താക്കോൽ കെ പി കുഞ്ഞമ്മദ്കുട്ടി  എംഎൽഎ കൈമാറി. കുറ്റ്യാടി പഞ്ചായത്ത് പ്രസിഡന്റ്‌ ഒ ടി നഫീസ അധ്യക്ഷയായി. കുന്നുമ്മൽ ബ്ലോക്ക് പഞ്ചായത്ത് പ്രസിഡന്റ്‌ കെ പി ചന്ദ്രി മുഖ്യ പ്രഭാഷണം നടത്തി. പഞ്ചായത്ത് വൈസ് പ്രസിഡന്റ്‌ ടി കെ മോഹൻദാസ്,  പഞ്ചായത്ത് അംഗങ്ങളായ നിഷ കുയ്യടി, ഹാഷിം നമ്പാട്ടിൽ, എ ടി ഗീത, ജുഗുനു തെക്കയിൽ, കരിം, വിഇഒമാരായ പി പി ബിനില, ഇ ആർ ശരണ്യ, എ ഇ കാർത്തിക, ഫവാസ്, പി നിഷ എന്നിവർ സംസാരിച്ചു.