എൻ പി പുരുഷോത്തമന് സ്മരണാഞ്ജലി

 മുഹമ്മ കയർ ഫാക്‌ടറി വർക്കേഴ്സ് യൂണിയൻ ജനറൽ സെക്രട്ടറിയും സിപിഐ എം ലോക്കൽ കമ്മിറ്റി അംഗവുമായിരുന്ന എൻ പി പുരുഷോത്തമന്റെ 12–-ാം ചരമ വാർഷികദിനം ആചരിച്ചു. യൂണിയനും പാർടി ലോക്കൽ കമ്മിറ്റിയും ചേർന്നാണ് ദിനാചരണം സംഘടിപ്പിച്ചത്. 

എൻ പി പുരുഷോത്തമന്റെ നാലുപുരയ്‌ക്കൽ വീട്ടിൽ ഛായാചിത്രത്തിൽ പുഷ്‌പാർച്ചനയും അനുസ്‌മരണ സമ്മേളനവും നടത്തി. സിപിഐ  എം  ജില്ലാ സെക്രട്ടറി ആർ നാസർ ഉദ്ഘാടനംചെയ്‌തു . ജെ ജയലാൽ അധ്യക്ഷനായി.

ജി വേണുഗോപാൽ, കെ ആർ ഭഗീരഥൻ, പി രഘുനാഥ്, ഡി ഷാജി, ടി ഷാജി, കെ ഡി അനിൽകുമാർ, സ്വപ്ന ഷാബു, കെ  സലിമോൻ  എന്നിവർ സംസാരിച്ചു.