നടി അഭിനയ വിവാഹിതയായി

ഹൈ​ദരാബാദ് : പണി എന്ന ചിത്രത്തിലൂടെ ശ്രദ്ധേയയായ നടി അഭിനയ വിവാഹിതയായി. വെഗേശന കാർത്തിക് ആണ് വരൻ. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ഹൈദരാബാദിൽ വച്ചായിരുന്നു വിവാഹം. വിവാഹച്ചിത്രങ്ങൾ അഭിനയ ഇൻസ്റ്റ​ഗ്രാമിൽ പങ്കുവച്ചു. ഇന്നലെയായിരുന്നു വിവാഹം. കഴിഞ്ഞ മാസമായിരുന്നു ഇരുവരുടെയും വിവാഹ നിശ്ചയം.

അഭിനയയുടെ ദീർഘകാല സുഹൃത്താണ് കാർത്തിക്. നാടോടികൾ’ എന്ന തമിഴ് സിനിമയിലൂടെ അഭിനയരം​ഗത്തെത്തിയ അഭിനയ വിവിധ ഭാഷകളിലായി 58ഓളം ചിത്രങ്ങളിൽ അഭിനയിച്ചിട്ടുണ്ട്. ആയിരത്തിൽ ഒരുവൻ, ഏഴാം അറിവ്, ഇശൻ, എസക് ന്യൂട്ടൺ സൺ ഓഫ് ഫിലിപ്പോസ്, വീരം, വൺ ബൈ ടൂ, ദ റിപ്പോർട്ടർ, മാർക്ക് ആന്റണി എന്നിവ ശ്രദ്ധേയ ചിത്രങ്ങളാണ്.