സ്ത്രീ സുരക്ഷ: പുതിയ വെല്ലുവിളികളും സാധ്യതകളും; ശ്രദ്ധേയമായി ഡിവൈഎഫ്ഐയുടെ വെബിനാർ

കണ്ണൂർ: ഡിവൈഎഫ്ഐ സംസ്ഥാന കമ്മിറ്റി അടുത്തവർഷം സംഘടിപ്പിക്കുന്ന 'നെക്സ്റ്റ് ജൻ കേരള തിങ്ക് ഫെസ്റ്റ്' പരിപാടിയുടെ ഭാഗമായി കണ്ണൂർ ജില്ലാ പ്രൊഫഷണൽ സബ് കമ്മിറ്റി സംഘടിപ്പിച്ച വെബിനാർ ശ്രദ്ധേയമായി. വനിതകൾക്കെതിരായ അതിക്രമങ്ങൾ ഇല്ലാതാക്കുന്നതിനുള്ള അന്താരാഷ്ട്ര ദിനത്തോടനുബന്ധിച്ച് 'സ്ത്രീ സുരക്ഷ: പുതിയ വെല്ലുവിളികളും സാധ്യതകളും' എന്ന വിഷയത്തിലായിരുന്നു വെബിനാർ.

കേരള സ്റ്റാർട്ടപ്പ് മിഷനിലെ പബ്ലിക് റിലേഷൻസ് അസിസ്റ്റന്റ് മാനേജരായ അഷിത അബ്ദുൾ അസീസ മുഖ്യ പ്രഭാഷണം നടത്തി. അതിജീവനവും ശാക്തീകരണവും ലക്ഷ്യമിട്ടുള്ള സുപ്രധാന ചർച്ചകൾക്ക് വെബിനാർ വേദിയായി. സൈബർ ഇടങ്ങളിലെ സുരക്ഷാ വെല്ലുവിളികൾ, നിയമപരമായ പരിരക്ഷകൾ, സ്ത്രീകളുടെ സാമൂഹിക ശാക്തീകരണം എന്നിവയെക്കുറിച്ച് അഷിത അബ്ദുൾ അസീസ് സംസാരിച്ചു.

ഡോ. ശിൽപ സ്വാഗതവും ഡോ. കീർത്തി പ്രഭ നന്ദിയും പറഞ്ഞു.