സോഷ്യൽ മീഡിയയും ചതിക്കുഴികളും: വെബിനാർ സംഘടിപ്പിച്ചു

കണ്ണൂർ: ലോക സോഷ്യൽ മീഡിയ ദിനത്തോടനുബന്ധിച്ച് ഡിവൈഎഫ്ഐ കണ്ണൂർ ജില്ലാ പ്രൊഫഷണൽ സബ് കമ്മിറ്റി 'സോഷ്യൽ മീഡിയയും ചതിക്കുഴികളും' എന്ന വിഷയത്തിൽ വെബിനാർ സംഘടിപ്പിച്ചു. സോഷ്യൽ മീഡിയ സ്ട്രാറ്റജിസ്റ്റ് ബിനിൽ ജി ഡി യും സൈബർ വിദഗ്ധനായ ധനൂപ് രവീന്ദ്രനും ക്ലാസുകൾ നയിച്ചു. ഇ-മെയിൽ ഐ ഡി, പാസ്‌വേഡ് എന്നിവ സുരക്ഷിതമാക്കുന്നതുൾപ്പെടെ സൈബർ സുരക്ഷാ വിഷയങ്ങൾ, ഓൺലൈൻ തട്ടിപ്പുകൾ, സോഷ്യൽ മീഡിയ അക്കൗണ്ടുകൾ ഹാക്ക് ചെയ്യപ്പെടുന്ന വഴികൾ വെബിനാറിൽ തുടങ്ങി സുപ്രധാന വിഷയങ്ങൾ വിശദമായി ചർച്ച ചെയ്തു.

ഡിവൈഎഫ്ഐ കണ്ണൂർ ജില്ലാ പ്രൊഫഷണൽ സബ് കമ്മിറ്റി കൺവീനർ ശ്രീനാഥ് വി പി സ്വാഗതവും ജോയിന്റ് കൺവീനർ ഡോ. ശില്പ നന്ദിയും പറഞ്ഞു. പ്രൊഫഷണൽ സബ് കമ്മിറ്റി അംഗം ഡോ കീർത്തി പ്രഭ മോഡറേറ്ററായി.