അഴീക്കോട് മണ്ഡലത്തിലെ 
4 റോഡുകൾക്ക് രണ്ടുകോടി രൂപ അനുവദിച്ചു

അഴീക്കോട്

കെ വി സുമേഷ് എംഎൽഎ സമർപ്പിച്ച നിർദേശത്തിന്റെ അടിസ്ഥാനത്തിൽ അഴീക്കോട് മണ്ഡലത്തിലെ റോഡുകളുടെ പുനരുദ്ധാരണത്തിനായി സംസ്ഥാന സർക്കാർ രണ്ട് കോടി രൂപ അനുവദിച്ചു. കൊറ്റാളിക്കാവ്– - അംബേദ്കർ സാംസ്കാരിക നിലയം –അത്താഴക്കുന്ന് റോഡിന് 50 ലക്ഷം, ഒറ്റത്തെങ്ങ്– കുന്നുമൽ കാവ് റോഡ് നവീകരണം 50 ലക്ഷം, ചെട്ടിപ്പീടിക ഗ്യാസ് ഗോഡൗൺ തുളിച്ചേരി കനാൽ സ്പിന്നിങ്‌ മിൽ റോഡിന് 50 ലക്ഷം, പന്നേൻപ്പാറ എംഎൽഎ കുമാരൻ റോഡിന് 50 ലക്ഷം എന്നിങ്ങനെയാണ്‌ തുക അനുവദിച്ചത്. സാങ്കേതികാനുമതി പൂർത്തിയാക്കി ടെൻഡർ നടപടി ഉടൻ പൂർത്തിയാക്കുമെന്ന് എംഎൽഎ അറിയിച്ചു.