ഇൻഷുറൻസ് മേഖലയിലും പൂർണം

കണ്ണൂർ

അഖിലേന്ത്യ പണിമുടക്കിൽ ജില്ലയിൽ ഇൻഷുറൻസ് മേഖല നിശ്ചലമായി. മുഴുവൻ ജീവനക്കാരും പണിമുടക്കിയതിനെത്തുടർന്ന് എൽഐസിയുടെ ബ്രാഞ്ച് ഓഫീസുകളും സാറ്റലൈറ്റ് ഓഫീസുകളും അടഞ്ഞുകിടന്നു. പണിമുടക്കിയ ജീവനക്കാർ ഓഫീസുകൾക്കുമുന്നിൽ പ്രകടനം നടത്തി. കണ്ണൂരിൽ എൽഐസി എംപ്ലോയീസ് യൂണിയൻ കണ്ണൂർ -കാസർകോട്‌ ജില്ലാ കോ -ഓഡിനേഷൻ കൺവീനർ എം കെ പ്രേംജിത്ത്, സി സി വിനോദ്, പി സി രാമൻ, എ എം മനോഹരൻ, പ്രദീപൻ കണ്ണോത്ത്, എം സുധീർകുമാർ, എ മനോജ്‌, എം എച്ച് രാജേഷ്, കെ പ്രണവ് എന്നിവർ പ്രകടനത്തിന് നേതൃത്വം നൽകി. മട്ടന്നൂരിൽ കെ രമേശൻ, എം മനോജ്‌, സി പി സുധീർ, രാജൻ കളരിക്കൽ എന്നിവരും പയ്യന്നൂരിൽ കെ വി വേണു, ടി വി ഗണേശൻ, രമേഷ് പുതിയറക്കൽ, കെ ജയരാജൻ എന്നിവരും തളിപ്പറമ്പിൽ കെ ധീരജ്, കെ കെ അർജുൻ, സി വി മനീഷ, ടി ചന്ദ്രൻ എന്നിവരും തലശേരിയിൽ പി വി രാജീവൻ, എം അനിൽകുമാർ, വി വിജയകുമാരൻ എന്നിവരും നേതൃത്വം നൽകി.