കെ കെ മാമക്കുട്ടിയെ അനുസ്‌മരിച്ചു

തൃശൂർ

മൂന്ന് പതിറ്റാണ്ട് സിപിഐ എം ജില്ലാ സെക്രട്ടറിയും മുതിർന്ന സിപിഐ എം നേതാവുമായിരുന്ന കെ കെ മാമക്കുട്ടിയുടെ പത്താം ചരമവാർഷികം സമുചിതമായി ആചരിച്ചു. പാർടി ഓഫീസുകളിലും പതാക ഉയർത്തി പ്രഭാതഭേരി മുഴക്കി. കൊടകര ഏരിയ കമ്മിറ്റി ഓഫീസിൽ സിപിഐ എം ജില്ല സെക്രട്ടറിയറ്റഗം കെ കെ രാമചന്ദ്രൻ പതാക ഉയർത്തി. സരിത രാജേഷ് അധ്യക്ഷയായി. കൊടകര സൗത്ത് ലോക്കൽ കമ്മിറ്റി ഓഫീസിൽ ഏരിയ കമ്മിറ്റി അംഗം പി ആർ പ്രസാദനും മറ്റത്തൂർ ലോക്കൽ കമ്മിറ്റി ഓഫീസിൽ ഏരിയ കമ്മിറ്റി അംഗം എം ആർ രഞ്ജിത്തും പതാക ഉയർത്തി.