വിദ്യാർഥി കുളത്തിൽ മരിച്ച നിലയിൽ

കൊണ്ടാഴി

കൂളിക്കുന്ന് അത്താണിപ്പറമ്പ് ഉണ്ടിക്കൽ വീട്ടിൽ ശ്രീനാഥിനെ (16) കുളത്തില്‍ മരിച്ച നിലയിൽ കണ്ടെത്തി. ശബരിമലയ്ക്ക് മാലയിട്ട ശ്രീനാഥ് വ്യാഴം വൈകിട്ടോടെ സമീപത്തെ ഇടക്കുന്നി സുബ്രഹ്മണ്യ സ്വാമി ക്ഷേത്രക്കുളത്തിലേക്ക് കുളിക്കാൻ പോയതായിരുന്നു. ഏറെ വൈകിയും തിരിച്ചെത്താത്തതിനെത്തുടർന്ന് വീട്ടുകാർ നടത്തിയ അന്വേഷണത്തിൽ ക്ഷേത്രക്കുളത്തിന് സമീപത്തുനിന്ന്‌ ശ്രീനാഥിന്റെ മൊബൈൽ ഫോൺ കണ്ടെത്തി. തുടർന്ന് നാട്ടുകാരും പൊലീസും നടത്തിയ തിരച്ചിലിലാണ്‌ കുളത്തിൽനിന്നും മൃതദേഹം കണ്ടെത്തിയത്‌. ചേലക്കര അലർട്ട് കോളേജിലെ പ്ലസ് വൺ വിദ്യാർഥിയാണ്. മൃതദേഹം ചേലക്കര താലൂക്ക് ആശുപത്രിയിലേക്ക് മാറ്റി. സംസ്കാരം പോസ്റ്റുമോര്‍ട്ടത്തിനുശേഷം. അമ്മ: അജിത.