സർവീസ് റോഡിൽ വീണ്ടും 
ലോറി താഴ്ന്നു

ആമ്പല്ലൂർ

സർവീസ് റോഡ് നിർമാണത്തിന്റെ ഭാഗമായുള്ള അപകടങ്ങൾ ദേശീയപാതയിൽ പതിവാകുന്നു. ഞായറാഴ്ച രാവിലെ ആമ്പല്ലൂർ മേൽപ്പാലം ഇറങ്ങുന്ന സ്ഥലത്തെ സർവീസ് റോഡിലേക്ക് ഇറക്കിയ ലോറി ചെളിയിൽ താഴ്ന്നു. റോഡ് നിർമാണത്തിനായി പണി നടക്കുന്ന സ്ഥലത്ത് ഡ്രൈവർമാർക്ക് മുന്നറിയിപ്പ് നൽകാനുള്ള ദിശബോർഡുകളോ വെളിച്ചമോ ആമ്പല്ലൂർ പുതുക്കാട് മേഖലയിൽ ഇല്ലെന്ന പരാതി വ്യാപകമാവുകയാണ്. കഴിഞ്ഞ ദിവസം ആമ്പല്ലൂർ മണലിയിൽ സർവീസ് റോഡിൽ ലോറി മറിഞ്ഞിരുന്നു.