തീരത്ത് വെള്ളക്കെട്ട്: അറപ്പത്തോട് പൊട്ടിച്ചു

കൊടുങ്ങല്ലൂർ

കനത്ത മഴയെത്തുടർന്നുള്ള തീരദേശത്തെ വെള്ളക്കെട്ട് ഒഴിവാക്കാൻ അറപ്പത്തോട് പൊട്ടിച്ച് വെള്ളം കടലിലേക്കൊഴുക്കി. ശനി രാവിലെയാണ് അറപ്പത്തോട് ജെസിബി ഉപയോഗിച്ച് പൊട്ടിക്കാൻ ആരംഭിച്ചത്. എറിയാട്, എടവിലങ്ങ് പഞ്ചായത്തുകളുടെ അതിർത്തിയായ പുതിയ റോഡിലാണ് അറപ്പത്തോടുള്ളത്. കടപ്പുറത്തെ മണലിൽ തോടു നിർമിച്ച ശേഷം അറപ്പ പൊട്ടിച്ച് വെള്ളം കടലിലേക്കൊഴുക്കുകയായിരുന്നു. പെരുന്തോട് ഉൾപ്പെടെയുള്ള തോടുകളിലൂടെ തീരദേശ പഞ്ചായത്തുകളിൽ നിന്നുള്ള വെള്ളമാണ് അറപ്പയിലേക്ക് ഒഴുകിയെത്തുന്നത്. അറപ്പ പൊട്ടിച്ചതോടെ വെള്ളക്കെട്ടിന് ശമനമായി. പഞ്ചായത്ത് പ്രസിഡന്റുമാരായ കെ പി രാജൻ, എം ആർ കൈലാസൻ, എറിയാട് പഞ്ചായത്ത് വൈസ്‌ പ്രസിഡന്റ്‌ സാറാബി ഉമ്മർ എന്നിവർ നേതൃത്വം നൽകി.