സഹകരണ ജീവനക്കാർ 
പ്രതിഷേധിച്ചു

തൃശൂർ

സാമൂഹ്യ ക്ഷേമ പെൻഷൻ വിതരണം സഹകരണ സംഘങ്ങളെ ഒഴിവാക്കിയ സംസ്ഥാന സർക്കാർ ഉത്തരവിനെതിരെ കേരള കോ–-ഓപ്പററേറ്റീവ് എംപ്ലോയീസ് യൂണിയൻ (സിഐടിയു)വിന്റെ നേതൃത്വത്തിൽ നഗരത്തിൽ പ്രതിഷേധ പ്രകടനവും പൊതുയോഗവും നടത്തി. നൂറുകണക്കിന് സഹകരണ ജീവനക്കാർ പ്രതിഷേധത്തിൽ അണിനിരന്നു. കെസിഇയു സംസ്ഥാന സെക്രട്ടറി സി ഡി വാസുദേവൻ ഉദ്ഘാടനം ചെയ്തു. ജില്ലാ ജോയിന്റ്‌ സെക്രട്ടറി കെ ബി പ്രദീപ് അധ്യക്ഷനായി. ജില്ലാ വൈസ് പ്രസിഡന്റ് എ വി ജോജു, ജില്ലാ ജോയിന്റ്‌ സെക്രട്ടറി എം വി അനിൽകുമാർ, ജില്ലാ കമ്മിറ്റിയംഗം എ ജി അരുൺ എന്നിവർ സംസാരിച്ചു.