പുതുക്കാട് റെയിൽവേ ഗേറ്റ് തകരാറിൽ

പുതുക്കാട്

വാഹനം ഇടിച്ച് പുതുക്കാട് റെയിൽവേ ഗേറ്റ് തകരാറിലായി. പുതുക്കാട് നിന്ന് പാഴായി ഭാഗത്തേക്ക് പോയ വാഹനമാണ് ഗേറ്റിൽ ഇടിച്ചത്. ബുധൻ വൈകിട്ട് ഏഴോടെയാണ് സംഭവം. അപകടത്തിനിടയാക്കിയ വാഹനം നിർത്താതെ പോയി. ഗേറ്റ് തകരാറിലായതോടെ പുതുക്കാട്, ഊരകം, ഇരിങ്ങാലക്കുട റോഡിൽ വാഹന ഗതാഗതം തടസ്സപ്പെട്ടു. റെയിൽവേ എൻജിനിയറിങ് വിഭാഗം സ്ഥലത്തെത്തി ഗേറ്റിന്റെ തകരാർ പരിഹരിക്കുന്നതിനുള്ള നടപടികൾ ആരംഭിച്ചു.