ഹെലിബറിയ ടീ കമ്പനി: സിഐടിയു 
തൊഴിലാളികളുടെ പ്രതിഷേധ കൂട്ടായ്മ

ഏലപ്പാറ അന്യായമായി തോട്ടം ഉപേക്ഷിച്ചുപോയ ഹെലിബറിയ ടീ കമ്പനി ഉടമയുടെ ദ്രോഹനിലപാടിൽ എച്ച് ഇഇഎ(സിഐടിയു) പ്രതിഷേധം ശക്തമാക്കും. 
 ഞായർ രാവിലെ 10ന് ഏലപ്പാറയിൽ നടക്കുന്ന തൊഴിലാളികളുടെ പ്രതിഷേധ സംഗമം വിജയിപ്പിക്കുന്നതിനായി കമ്പനിയുടെ നാല്​ ഡിവിഷനുകളിൽ സിഐടിയു തൊഴിലാളി കൂട്ടായ്മ സംഘടിപ്പിച്ചു. നേതാക്കളായ പി എസ് രാജൻ, കെ ടി ബിനു, എം ജെ വാവച്ചൻ, എം ടി സജി, ആന്റപ്പൻ ജേക്കബ്, സി സിൽവസ്റ്റർ, എസ് അനിൽകുമാർ എന്നിവർ സംസാരിച്ചു.