വി എസ് അച്യുതാനന്ദന് പാലിയേറ്റീവ് കെയര് പ്രവര്ത്തനം ആരംഭിച്ചു
വി എസ് അച്യുതാനന്ദന് പെയിന് ആന്ഡ് പാലിയേറ്റീവ് കെയര് ഉദ്ഘാടനം ആനാവൂര് നാഗപ്പന് നിര്വഹിക്കുന്നു
കിളിമാനൂര്
സിപിഐ എം കൊടുവഴന്നൂര് ലോക്കല് കമ്മിറ്റിയുടെ നേതൃത്വത്തില് വി എസ് അച്യുതാനന്ദന്റെ ഓര്മദിനത്തില് വി എസ് അച്യുതാനന്ദന് പെയിന് ആൻഡ് പാലിയേറ്റീവ് കെയര് പ്രവര്ത്തനങ്ങള് ആരംഭിച്ചു. പുളിമാത്ത് പഞ്ചായത്തിലെ ഒന്നുമുതല് നാലുവരെ വാര്ഡുകളിലെയും 18 മുതല് 20 വരെ വാര്ഡുകളിലെയും നിര്ധനരോഗികള്ക്ക് കനിവും കാരുണ്യവും എത്തിക്കുക എന്നതാണ് പാലിയേറ്റീവ് കെയര് പരിപാടിയിലൂടെ ലക്ഷ്യമിടുന്നത്. പാലിയേറ്റീവ് കിടപ്പുരോഗികളെ വീടുകളില് പോയി പരിചരിക്കലാണ് ആദ്യഘട്ടത്തില് നടപ്പാക്കുന്നത്. പദ്ധതിയുടെ ഉദ്ഘാടനവും വി എസ് അനുസ്മരണപ്രഭാഷണവും മുതിര്ന്ന സിപിഐ എം നേതാവ് ആനാവൂര് നാഗപ്പന് നിർവഹിച്ചു. പാലിയേറ്റീവ് കെയര് പ്രസിഡന്റ് എസ് അശോകന് അധ്യക്ഷനായി. സിപിഐ എം ജില്ലാ സെക്രട്ടറിയറ്റ് അംഗം ബി പി മുരളി, മടവൂര് അനില്, ശ്രീജ ഷൈജുദേവ്, ഒ എസ് അംബിക എംഎല്എ, തട്ടത്തുമല ജയചന്ദ്രന്, എൻ സലിന്, വി ബിനു, കെ വത്സലകുമാര്, ടി എന് വിജയന്, സിബി ആര് അഷ്റഫ്, ശ്രീജ ഉണ്ണിക്കൃഷ്ണന്, എസ് വിന്സെന്റ് തുടങ്ങിയവര് സംസാരിച്ചു.
Tags
Related News
Dont Miss it
0 comments