ജീവനക്കാരുടെ അനിശ്ചിതകാല പ്രക്ഷോഭം തുടരുന്നു

തിരുവനന്തപുരം

രാഷ്ട്രീയപ്രേരിത, മാനദണ്ഡവിരുദ്ധ സ്ഥലംമാറ്റങ്ങൾ അവസാനിപ്പിക്കുക, പൊതു സ്ഥലംമാറ്റവും പ്രൊമോഷനും അടിയന്തരമായി നടപ്പാക്കുക എന്നീ ആവശ്യങ്ങൾ ഉന്നയിച്ച്‌ കേരള എൻജിഒ യൂണിയനും കെജിഒഎയും വികാസ് ഭവനിൽ ആരംഭിച്ച അനിശ്ചിതകാലപ്രക്ഷോഭം തുടരുന്നു. ചൊവ്വാഴ്‌ച ധർണ കെഎസ്ടിഎ സംസ്ഥാന പ്രസിഡന്റ്‌ എ കെ ബീന ഉദ്ഘാടനം ചെയ്തു. കെജിഒഎ തിരുവനന്തപുരം നോർത്ത് ജില്ലാ വൈസ് പ്രസിഡന്റ്‌ ബി എം അനിൽകുമാർ അധ്യക്ഷനായി. കെജിഒഎ സംസ്ഥാന കമ്മിറ്റി അംഗം എസ്‌ എ അനീസ, കെഎസ്‌ടിഎ ജനറൽ സെക്രട്ടറി ടി കെ എ ഷാഫി, എൻജിഒ യൂണിയൻ സംസ്ഥാന വൈസ് പ്രസിഡന്റ് കെ പി സുനിൽകുമാർ, തിരുവനന്തപുരം നോർത്ത് ജില്ലാ പ്രസിഡന്റ്‌ എസ് ശ്രീകുമാർ എന്നിവർ സംസാരിച്ചു.