പ്രതിഷേധമുയരണം: എം എ ബേബി

തിരുവനന്തപുരം

തലസ്ഥാനത്ത്‌ പൊലീസും യൂത്ത്‌ കോൺഗ്രസ്‌ ഗുണ്ടകളും നടത്തിയ വിദ്യാർഥി വേട്ടയ്‌ക്കെതിരെ ശക്തമായ പ്രതിഷേധം ഉയർന്നുവരുമെന്ന്‌ സിപിഐ എം ജനറൽ സെക്രട്ടറി എം എ ബേബി പറഞ്ഞു. മന്ത്രി ഒ ജെ ജനീഷിന്റെ നേതൃത്വത്തിലാണ്‌ ആക്രമണം അഴിച്ചുവിട്ടത്‌. ഇത്‌ അംഗീകരിക്കാനാകില്ല. യൂത്ത്‌ കോൺഗ്രസുകാരാണ്‌ ആക്രമണം ആരംഭിച്ചത്‌. വിദ്യാർഥികൾക്കുനേരെ ചുടുകട്ടയും ബിയർ കുപ്പിയും തീപ്പന്തവും എറിഞ്ഞു. പിന്നാലെ പൊലീസ്‌ ഹോസ്റ്റലിൽ ഇരച്ചുകയറി വിദ്യാർഥികളെ വളഞ്ഞിട്ടാക്രമിച്ചു. രണ്ട്‌ വിദ്യാർഥികളുടെ തല അടിച്ചുപൊട്ടിച്ചു. ഉത്തരേന്ത്യയിലെ പൊലീസ്‌ നരവേട്ടയ-്ക്ക്‌ തുല്യമായാണ്‌ കേരള പൊലീസ്‌ അഴിഞ്ഞാടിയത്‌. ഇതിന്‌ പിന്നിൽ വൻ ഗൂഢാലോചനയുണ്ട്‌. ഇതൊന്നും അംഗീകരിക്കാനാകില്ല. അക്രമികളായ പൊലീസുകാർക്കെതിരെ നടപടി വേണം. ഹോസ്റ്റലിലേക്ക്‌ പന്തവും ബിയർ കുപ്പിയുമെറിഞ്ഞ യൂത്ത്‌ കോൺഗ്രസുകാർക്കെതിരെയും നടപടി വേണം –എം എ ബേബി ആവശ്യപ്പെട്ടു.